«Ատլետիկոն»` 10-րդ անգամ Իսպանիայի չեմպիոն (տեսանյութ)

Իսպանիայի առաջնության վերջին տուրի կենտրոնական խաղում «Բարսելոնան» հյուրընկալեց «Ատլետիկոյին»:

Հանդիպման ելքը որոշեց Իսպանիայի նոր չեմպոնի անունը:

Պայքարն ավարտվեց 1:1 հաշվով: Նախ 33-րդ րոպեին հաշիվը բացեց Ալեքսիս Սանչեսը, 49-րդ րոպեին պատասխան գոլը հեղինակեց Դիեգո Գոդինը:

Արդյունքում` մադրիդյան թիմը 90 միավորով նվաճեց Իսպանիայի չեմպիոնի կոչումը:

Կատալոնացիները 87 միավորով երկրորդն են:

Նույնքան միավորով Մադրիդի «Ռեալը» զբաղեցրեց երրորդ հորիզոնականը: