Լենոնի ու Մաքքարթնիի տները՝ պետական պահպանության շինություններ

Այն տները, որտեղ իրենց մանկությունն են անցկացրել հանրահայտ The Beatles խմբի անդամներ Ջոն Լենոնն ու Փոլ Մաքքարթնին, կընդգրկվեն պետության կողմից պահպանվող շինությունների ցուցակում։ Այդ մասին հայտարարել է Մեծ Բրիտանիայի Մշակութային ժառանգության և տուրիզմի նախարար Ջոն Փենրոուզը։ 

Նրա խոսքերով՝ Լենոնի լիվերպուլյան տունը, որտեղ գրվել է խմբի առաջին հիթը՝ Please Please Me, ինչպես նաև մոտակայքում տեղակայված Մաքքարթնիի տունն այսուհետ չեն կարող վերակառուցվել առանց տեղական իշխանությունների թույլտվության, հաղորդում է «Ռոսբալտ»-ը։