ԱԺ-ն մայիսի 19-ին կընտրի ԿԲ նախագահին և կքննարկի կառավարության նոր ծրագիրը
Քաղաքական
Ազգային ժողովը մայիսի 19-ին փակ գաղտնի քվեակությամբ կընտրի Կենտրոնական բանկի նախագահին: Այս մասին տեղեկացրեց ՀՀ ԱԺ նախագահ Գալուստ Սահակյանը՝ ներկայացնելով մեկնարկած քառօրյայի օրակարգը: «Տեղեկացնեմ, որ Կենտրոնական բանկի նախագահի քվեարկությունը տեղի կունենա այսօրվա նիստի ընթացքում նախորդ նիստում անավարտ մնացած հարցի քննարկումն ավարտելուց հետո»,- ասաց Սահակյանը:
Բացի այդ, խորհրդարանի մայիսի 19-ի նիստի օրակարգում են նաև գազամատակարարման հետ կապված հարցերի ուսումնասիրության խորհրդարանական ժամանակավոր հանձնաժողովի մասին որոշման նախագծում փոփոխություն կատարելու և ՀՀ կառավարության նոր ծրագրի քննարկման հարցերը:
Այս պահին խորհրդարանը քննարկում է «Հաշվապահական հաշվառման մասին» ՀՀ օրենքում փոփոխություն կատարելու մասին կառավարության ներկայացրած նախագիծը երկրորդ ընթերցմամբ ընդունելու մասին հարցը, որով առաջարկվում է խոշոր կազմակերպությունների համար վերացնել պարտադիր աուդիտի պահանջը:
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
