«Հրապարակ». Սերժ Սարգսյանն ինտրիգը պահելու է մինչև հինգշաբթի

Հինգշաբթի օրը տեղի ունեցած ՀՀԿ գործադիր մարմնի նիստին ՀՀԿ կազմակերպիչ Ռուբեն Թադեւոսյանը ներկայացել է 5 կիլոյանոց պապկայով` մայիսի 24-ի ՀՀԿ համագումարի մասին. ինչ ելույթներ` ինչ թեմաներով, ընդմիջումը` երբ, ֆուրշեթո՞վ, թե՞ «բեզ», ովքեր պետք է մասնակցեն, հյուրեր լինելո՞ւ են, թե՞ ոչ: Բոլորը, գլուխներն առած ձեռքերի մեջ, ձանձրացել են 2 ժամ տեւած այդ «խորաթայից»: Բաց է մնացել հարցը. ՀՀԿ խորհուրդն ընդլայնվելո՞ւ է, թե՞ ոչ, ոմանք, ասենք` Տիգրան Արզաքանցյանը, խորհրդից դո՞ւրս է գալու, որովհետեւ Հայաստանում չէ: Մեր տեղեկություններով` այո, Արզաքանցյանը «դուրս է բերվելու»: Նոր մարզպետներ են հայտնվել, նրանք դառնալո՞ւ են խորհրդի անդամ, թե՞ ոչ: Մեր տեղեկություններով, ՀՀԿ առանց այն էլ գերաճ տված խորհուրդը եւս մեկ տասնյակ «նվիրյալներով» ուռճացվելու է: ՀՀԿ համագումարի ինտրիգը, սակայն, ինչպես միշտ, ՀՀԿ տեղակալներին, ԳՄ անդամներին է վերաբերելու: Նոր անդամներ ավելանալո՞ւ են ԳՄ-ում. այս հարցը նույնպես բաց է թողել Սերժ Սարգսյանը, ինտրիգը հասցնելով առաջիկա հինգշաբթի օրվա ԳՄ նիստ: Ըստ ծերակույտի մեր աղբյուրի` կա 3 տարբերակ. ԳՄ-ն մնում է նույնը:

ԳՄ-ն փոքրացվում է՝ Տիգրան Սարգսյանը մեկնելու է ԱՄՆ, հնարավոր է նա ոչ տեղակալ եւ ոչ էլ ԳՄ անդամ լինի: Եվ ԳՄ-ն ընդլայնվում է, որովհետեւ նոր կառավարություն ու նոր դեմքեր են հայտնվել: Բանն այն է, որ ԳՄ-ն այն ղեկավար մարմինն է, որտեղ Սերժ Սարգսյանը պետք է ունենա բացարձակ մեծամասնություն, հակառակ Հովիկ Աբրահամյանի ցանկության, որը նույնպես ցանկանում է իր մարդկանցով համալրել այն: Մեզ հետ զրուցող ծերը չբացառեց նոր մարդկանց ներառումը ՀՀԿ՝ հիշեցնելով, որ Հրանուշ Հակոբյանը, Հարութ Փամբուկյանը եւ այլք ժամանակին մի գիշերում դարձան ՀՀԿ, հաջորդ օրը` գործադիրի անդամ:

Շարունակությունը` «Հրապարակ» օրաթերթի այսօրվա համարում: