Ինչ նպատակով էին 10 երկրների պատվիրակները հավաքվել Մոլդովայում

Հասարակություն 21 Մայիս, 2014 15:51

Մայիսի 6-12-ը Մոլդովայում տեղի ունեցավ «Գյուղական համայքների զարգացումը ձեռներեցության միջոցով» անվանումը կրող միջազգային համաժողովը, որը ֆինանսավորվել էր «Youth in Action» ծրագրի շրջանակներում: Մասնակցում էին 10 երկրի պատվիրակներ, այդ թվում` Հայաստանից, Վրաստանից, Ուկրաինայից, Բելոռուսիայից, Ռումինիայից, Լեհաստանից, Խորվաթիայից, Էստոնիայից և այլն: Ծրագրի մասնակիցներին բարձր մակարդակով հյուրընկալել էր «Youth Generation» կազմակերպությունը, իսկ Հայաստանից ծրագրի մասնակցությունը և բոլոր կազմակերպչական հարցերը հոգացել է «Future in our hands» կազմակերպությունը:

Միջոցառումների շարքը մեկնարկեց Քիշնևում, այնուհետև շարունակվեց երկրի տարբեր քաղաքներում և համայնքներում:

Այցը նպատակ ուներ ուսումնասիրել ձեռնարկատիրական գործունեության զարգացման և առաջխաղացման տարբեր ձևերի հնարավորությունները Մոլդովայի գյուղական համայնքներում, որոնք հիմնված են փորձի փոխանակման վրա:

Հայտնի է, որ գյուղական տարածքից անցումը քաղաքայինի շատ հասարակությունների կանգնեցրեց այն փաստի առջև, որ շատ գյուղեր բնակեցված մնացին միայն տարեցներով և երեխաներով: Այցի ընթացքում մասնակիցները ծանոթացան գյուղական համայնքներում կատարվող տարաբնույթ ներդրումների արդյունքներին; Այդ ներդրումները, սովորաբար, կատարվում են կարիքավոր ընտանիքների բարօրության, այլ ոչ թե ձեռնարկատիրական գործունեության համար, որտեղ գումարը կարող է աղբյուր հանդիսանալ համայնքային զարգացման համար և գյուղական կյանքը դարձնել առավել բարեկեցիկ:

Եվրոպական երկրների ցուցակում Մոլդովան հայտնի է որպես զանգվածային միգրացիայի միտում ունեցող երկիր։ Չնայած լայնածավալ միգրացիայի միտմանը` բազմաթիվ քաղաքացիներ մնացել են երկրում՝ աշխատելով սև շուկայում, ոմանք էլ վերադարձել են հայրենիք` իրենց ներդրումներն անելով սեփական համայնքներում, մասնավորապես, գյուղատնտեսական և արտադրական ոլորտներում:

Միջոցառումների շրջանակներում պատվիրակները ծանոթացան գյուղական ձեռնարկատիրության հաջողված օրինակներին, որոնք նպաստեցին նպաստեց Մոլդովայի գյուղերից զանգվածային միգրացիայի աճի դադարեցմանը, ինչպես նաև ձևավորեց առողջ գաղափարախոսություն՝ սեփական համայնքներում ներդրումներ կատարելու մասով: Նախագծի նպատակն էր տեղեկացնել, թե ինչպես պետք է զարգացնել ձեռնարկատիրական գործունեությունը, ինչ կարևոր ռեսուրսներ են պետք անհրաժեշտ մեկնարկի համար, ինչպիսի եվրոպական դրամաշնորհների աջակցության շնորհիվ կարելի է զարկ տալ գյուղերի զարգացման գործընթացին և թե ինչպես կարելի է իրականացնել ծրագրերն ու գաղափարները:

Տասնյակ հանդիպումներ և քննարկումներ տեղի ունեցան ծրագրերն իրականացնող գրասենյակների ղեկավարների, տեղական ինքնակառավարման մարմինների ղեկավարների և շահագրգիռ այլ անձանց հետ: Ձեռք բերվեցին սերտ կապեր հաստատելու, փորձի փոխանակման և այլ ոլորտներում համագործակցելու պայմանավորվածություններ:

«Գյուղական համայքների զարգացումը ձեռներեցության միջոցով» միջոցառումների շարքին Հայաստանից մասնակցում էին փորձագետներ Անահիտ Ծատուրյանը և Վլադիմիր Աղաբեկյանը, ինչպես նաև International Media Holding-ի գլխավոր խմբագիր Վարուժան Բաբաջանյանը: