«Հրապարակ». Սաքրեբուլոյի ընտրություններն անգամ Ռուսաստանը փորձաքար է դարձնում Ջավախքի մեր հայրենակիցների համար

Վրաստանում հունիսի 15-ին տեղի կունենան տեղական ինքնակառավարման մարմինների ընտրություններ: Սաքրեբուլոյի ընտրություններն անգամ Ռուսաստանը փորձաքար է դարձնում Ջավախքի մեր հայրենակիցների համար, որպեսզի «տեղը դնի» Վրաստանին, վերջինիս հասկացնի, որ հնարավոր են անջատողական շարժումներ նաեւ Ջավախքում:

Այս մասին, ի դեպ, Ղրիմի դեպքերից հետո շատ է խոսվում: Հիշեցնենք, որ հունիսի 27-ին, Սաքրեբուլոյի ընտրություններից մի քանի օր հետո, սպասվում է ԵՄ-ի հետ Վրաստանի վերջնական ասոցացումը, եւ չնայած Ռուսաստանը խոստումներ է տվել, որ չի խանգարելու այդ գործընթացին, ինչպես եղավ Ուկրաինայում, այնուհանդերձ, շատերը պնդում են, որ Ռուսաստանն առիթը ձեռքից բաց չի թողնի: Ինչպիսի՞ն է վիճակն ընտրություններից առաջ՝ հարցրինք ջավախեցի մեր զրուցակցին: «Նորմալ է. առայժմ ոչ մի ինցիդենտ չկա, չկա նաեւ ակնկալվող մեծ ակտիվությունը, ընտրապայքարը հունի մեջ ընկնի՝ կերեւա: Ջավախքի Սաքրեբուլոյում, գիտեք, գրեթե բոլորը հայեր են: Մարզկենտրոններում էլ քաղաքապետեր կընտրվեն: Իհարկե, կուզեինք, որ Ախալցխայում հայ լիներ քաղաքապետը, բայց վրացիներ են առաջադրվել, մնացածն ընթացքում պարզ կդառնա»:

Շարունակությունը` «Հրապարակ» օրաթերթի այսօրվա համարում: