«Ժողովուրդ». ՊԵԿ-ը տուգանում է գյուղացու բեռը հնարավորինս թեթեւացնող ընկերություններին

ՀՀ կառավարությունը դեռեւս 2013թ. որոշել էր հողօգտագործողների համար մատչելի գնով դիզելային վառելանյութ եւ ազոտական պարարտանյութ ձեռք բերելու նպատակով ՀՀ գյուղատնտեսության նախարարությանը հատկացնել ավելի քան 3 մլրդ 16 մլն դրամ: Աջակցության շնորհիվ հանրապետություն ներկրվելիք ավելի քան 27 հազար տոննա ազոտական պարարտանյութի 50 կիլոգրամանոց ամեն մի պարկը հողօգտագործողին պետք է վաճառվեր 6 հազար դրամով, իսկ ավելի քան 17 մլն լիտր դիզելային վառելանյութի ամեն մի լիտրը' 350 դրամով: ՀՀ ֆինանսների նախարարին հանձնարարվել էր նաեւ ազոտական պարարտանյութի ձեռքբերման նպատակով «Բերրիություն» ԱՄ Մասիսի շրջանային միավորում ՍՊԸ-ին երեք ամիս ժամկետով տրամադրել ավելի քան 3 մլրդ դրամի չափով բյուջետային վարկ:

Ու մինչ կառավարությունը որոշումներ է կայացնում հնարավորինս կարգավորել գյուղատնտեսական ոլորտը, Պետական եկամուտների կոմիտեն ժամանակ չի կորցնում տուգանքի ենթարկել գյուղացու բեռը հնարավորինս թեթեւացնող ընկերություններին: Եվ այսպես, «Ժողովուրդ»-ին հայտնի դարձավ, որ «Բերրիություն» ԱՄ Մասիսի շրջանային միավորում ՍՊԸ-ի տնօրեն Սասուն Պողոսյանը ընկերության անունով ՀՀ է ներմուծել ազոտական պարարտանյութ, որը այդպես էլ չի հայտարարագրել' տուգանվելով 50.000 դրամ:

Շարունակությունը` «Ժողովուրդ» օրաթերթի այսօրվա համարում: