«Առավոտ». Հայաստանի բոլոր դիվանագիտական ներկայացուցչությունների խնդիրները նույնն են

Հարցազրույց Չեխիայի եւ Սլովակիայի Հանրապետություններում ՀՀ արտակարգ եւ լիազոր դեսպան Տիգրան Սեյրանյանի հետ

-Պարոն դեսպան, որո՞նք են Չեխիայում Հայաստանի դեսպանության առջեւ կանգնած խնդիրները: Արդյոք կա՞ն առանձնահատուկ խնդիրներ, որոնք տարբերվում են այլ երկրներում մեր դեսպանների առջեւ դրված խնդիրներից:

–Սկսեմ նրանից, որ Պրահայում Հայաստանի դեսպանությունը հիմնվել է 2011 թ., ես իմ հավատարմագրերն եմ հանձնել Չեխիայի նախկին նախագահ Վացլավ Կլաուսին սեպտեմբերի 7-ին: Գրասենյակի պաշտոնական բացումը կատարվեց նույն թվականի նոյեմբերի 22-ին՝ ՀՀ և Չեխիայի ԱԳ նախարարների բարձր մասնակցությամբ:

Լայն իմաստով Հայաստանի բոլոր դիվանագիտական ներկայացուցչությունների խնդիրները նույնն են՝ մեր երկրի արտաքին անվտանգության ամրապնդումը, պետության զարգացման արտաքին բարենպաստ պայմանների ապահովումը, հավատարմագրման երկրներում Հայաստանի դիրքորոշումների ներկայացմանը, ՀՀ և նրա քաղաքացիների շահերի պաշտպանությունը, ընդունող երկրների հետ համագործակցության առավել ամրապնդումն ու զարգացումը բոլոր հնարավոր ոլորտներում, հայ համայնքի հետ աշխատանքը և այլն:

Նեղ իմաստով, իհարկե, պետք է հաշվի առնել յուրաքանչյուր երկրի առանձնահատկությունները: Չեխիայի և Սլովակիայի առանձնահատկությունն այն է, որ երկուսն էլ համեմատաբար նոր ժողովրդավարություններ են և որոշ առումներով անցել են բարեփոխումների այն ճանապարհը, որով զարգանում է Հայաստանն՝ անկախ այս կամ այն տարածաշրջանային միավորմանն անդամակցելու հանգամանքից: Երկու երկրներն էլ մեծ չեն իրենց չափերով: Օգտագործելով միջազգային իրավունքի ժողովուրդների իրավահավասարության և ինքնորոշման սկզբունքի ընձեռած հնարավորությունները՝ 1993թ. Չեխիան և Սլովակիան քաղաքակիրթ կերպով առանձնացան միմյանցից և այժմ հանդիսանում են ամենամտերիմ բարեկամներ: Իմ հավատարմագրման պետությունների փորձը չափազանց արժեքավոր է մեր երկրի համար, և մեր խնդիրներից մեկը այդ փորձը նաեւ Հայաստանի համար մատչելի դարձնելն է:

Շարունակությունը` «Առավոտ» օրաթերթի այսօրվա համարում: