Գեղարքունիքի մարզում ընթանում է վայրի բանջարատեսակների բերքահավաքը
Հայաստան
Գեղարքունիքի մարզի համայնքներում մոտ երկու շաբաթ է, ինչ համատարած սկսվել են վայրի բանջարատեսակների` սիբեխի, շուշանի, մանդակի հավաքման աշխատանքները: Սննդի մեջ օգտագործվող և մեծ պահանջարկ ունեցող այս բանջարաբույսերի հավաքին շատ ընտանիքներ մասնակցում են` իրենց տարվա կամ ամիսների պաշարը հոգալու համար. հավաքած վայրի բանջարեղենը կամ թթու են դնում, կամ պահպանում չորացրած, աղ դրած, նաև` սառնարանային վիճակում:
Ինչպես հավաստեցին ՀՀ վիճակագրության ազգային ծառայության Գեղարքունիքի մարզային գործակալությունում, ավելի քան 500 ընտանիք եկամուտ ստանալու նպատակով ենզբաղված վայրի բանջարատեսակների հավաքմամբ և վաճառքով: Դրանց մեկ կիլոգրամը վաճառվում է 700-1000 դրամի սահմաններում: Վայրի բանջարատեսակները վաճառվում են մարզի շուկաներում, դրանց հարակից տարածքներում, նաև մթերվում են արդյունագործական նպատակներով:
Վայրի բանջարեղենի բերքահավաքը մարզում կշարունակվի մինչև հունիսի կեսերը:
ՈՒՂԻՂ ԵԹԵՐ
Ամենադիտված 
Փաշինյանի դուստրերի լուսանկարները՝ Չինաստանից
