«Ինձ համար պատիվ է երգել հայի հետ». թուրք երգչուհի
Գիտություն և Մշակույթ
Թուրքիայում ճանաչված երգչուհի Սեզեն Աքսուն հայտարարել է, որ իր համար պատիվ է երգել ծագումով հայ Արա Դինքչյանի հետ:
Ինչպես հաղորդում են թուրքական ԶԼՄ-ները, Սեզեն Աքսուն ասել է, որ «Եղբայր երգեր» նախագծի շրջանակում պատրաստվում է Թուրքիայի ճանաչված երգիչների, այդ թվում' Արա Դինքչյանի հետ միասին համերգներով շրջագայել Եվրոպայում:
Շրջագայությունը, որը Սեզեն Աքսուն բացելու է մայիսի 28-ին, Մաննհայմում, շարունակվելու է Բոհում, Ռոթերդամ, Շտուտգարտ, Մյունխեն, Համբուրգ եւ Բեռլին քաղաքներում:
Թուրք երգչուհին ասել է, որ հայկական երգերին զուգահեռ, իր երգացանկում տեղ են գտել նաեւ քրդական եւ այլ ազգերի երգեր: «Արան հրաշալի արվեստագետ է: Նրա հետ երգելը պատիվ է ինձ համար», - թուրքական ԶԼՄ-ներին ասել է Սեզեն Աքսուն:
Սեզեն Աքսուն Թուրքիայում հայտնի է «Սարի աղջիկ» հայկական ժողովրդական երգի կատարումով: Ադրբեջանում այդ երգը «սեփականաշնորհել» եւ «ադրբեջանական» են հայտարարել: Այն բանի համար, որ Սեզեն Աքսուն երգը կատարելուց առաջ հայտարարել էր, որ այն մաքուր հայկական ժողովրդական երգ է, Ադրբեջանում նրան խիստ քննադատության են ենթարկել:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
