Շիրակի մարզի ոստիկանապետն իր ու Արթուր Ալեքսանյանի միջև եղած միջադեպը բամբասանք է համարում

Հատուկ քննչական ծառայությունը մերժել է Շիրակի մարզի ոստիկանապետ, գնդապետ Վարդան Նադարյանի և ընբշամարտի Եվրոպայի եռակի չեմպիոն Արթուր Ալեքսանյանի ու նրա եղբոր միջև տեղի ունեցած միջադեպի վերաբերյալ քրեկան գործի հարուցումը՝ հանցագործության դեպքի բացակայության հիմքով:

Մարզի ոստիկանապետը «Արմենպրես»-ի հետ զրույցում դեպքը բամբասանքի վերագրեց՝ նշելով, որ ասելու որևէ բան չունի՝ չեղած երևույթի վերաբերալ: «Չեմ կարող մեկնաբանել չեղած բամբասանքները: Եթե մի երևույթ, մի գործողություն տեղի չի ունեցել, ապա դա մեկնաբանելը սին է»,- նշեց Վարդան Նադարյանը՝ հաստատելով այն փաստը, որ ինքը հրավիրվել էր հատուկ քննչական ծառայությունը: «Այո՛, միանշանակ, ես հրավիրվել եմ և եղել եմ հատուկ քննչական ծառայությունում, ինչն ամբողջովին օրենքի գործառույթ է, և ամբողջովին օրինական գործընթաց: Հրավիրվել եմ, բացատրություն եմ տվել»,- նշեց Շիրակի ոստիկանապետը:

Ըստ մամուլում տեղ գտած հրապարակումների, նա մայիսի 7-ին, մեքենայով երթևեկելով Ալեքսանյանների «Մերսեդես» մակնիշի մեքենայի հետևից, վերջիններիս կանգնելու ձայնային ազդանշան է տվել: Չեմպիոնի եղբորը՝ Ռաֆայելին, թվացել է, թե իրենից ճանապարհ են խնդրում ու աջ է քաշել մեքենան, որն էլ դարձել էր ոստիկանապետի ու Ալեքսանյանների վեճի պատճառ: Ըստ որոշ հրապարակումների, ոստիկանապետը նույնիսկ զենքով հարվածել է չեմպիոնի եղբորը:

Արմենուհի Մխոյան