«Հրապարակ». ՀՀԿ 15-րդ համագումարը կանցնի անինտրիգ մթնոլորտում

Այսօր տեղի ունենալիք ՀՀԿ 15-րդ համագումարը կանցնի անինտրիգ մթնոլորտում: «Ամենքը հասան իրենց մուրազին, ինտրիգները պրծան' ֆսյո»,- ասաց մեզ հետ զրուցող ՀՀԿ վետերանը: Համագումարը կարճ է տեւելու` մինչեւ ժամը 2-ը, փոքր ընդմիջումով, որպեսզի նորընտիր գործադիր մարմինը հաստատի նորընտիր խորհրդի կազմը, որը կընդլայնվի առնվազն 2 տասնյակով' հատելով 2 հարյուրի սահմանը: Մոտ 40 րոպե ելույթ կունենա ՀՀԿ նախագահը, կհաջորդեն հաշվետվությունները, ապա` ԳՄ ընտրությունը: Ի տարբերություն խորհրդի, ԳՄ կազմը կմնա նույնը: Պարզապես հետո, երբ Տիգրան Սարգսյանի ագրեմանի պատասխանը գա, եւ նա դեսպան նշանակվի, ԳՄ-ից դուրս կգա: Ինչ վերաբերում է ՀՀԿ հանձնաժողովների նախագահների ու տեղակալների ընտրությանը, համագումարից հետո առաջիկա օրերին տեղի կունենա նորընտիր խորհրդի նիստ, որն էլ կորոշի այս հարցերը:

Ֆուրշեթ չի լինի: Թեթեւ ֆուրշեթ կլինի լրագրողների համար: «Լցնելու» են միայն պարտերը, օթյակները ՀՀԿ-ախեղդ չեն անելու, հրավիրյալներ էլ չկան: Իսկ ի պատասխան հարցին' կառավարության ծրագրի քննարկման ժամանակ ԱԺ-ում հարբած, ծրագիրը «փոզմիշ» արած ՀՀԿ խորհրդի անդամների հարցը նախորդ օրվա ԳՄ-ում քննարկվե՞լ է, ասաց' ոչ: Հուսանք, որ ՀՀԿ համագումարին որեւէ մեկը խմած չի գա: «Էդ էր պակաս»,- ինքնավստահ արտաբերեց ծերը:

Շարունակությունը` «Հրապարակ» օրաթերթի այսօրվա համարում: