«Առավոտ». Միկոյանին արդարացնելու համար անհրաժեշտ է արդարացնել նաեւ Ստալինին

Անկախ Հայաստանի մայրաքաղաք Երեւանի ավագանու մեծամասնությունը շարունակում զբաղվել ստալինիզմի ռեաբիլիտացիայով, ինչից կարելի է ենթադրել, որ Միկոյանի արձան դնելու գաղափարը մտքի պատահական շեղում չէ` դա իշխանության մտածված ռազմավարության դրսեւորումն է' հավանաբար, թելադրված «մաքսային հովերով»: Ավագանու անդամ, ռեժիսոր Արա Երնջակյանը (ՀՀԿ), որը մինչ այս, համենայնդեպս, իր ստեղծագործության մեջ տոտալիտարիզմի նկատամամբ համակրանք չէր դրսեւորում, հիմա դրական տարրեր է տեսնում ստալինյան բռնապետության մեջ: Այստեղ, պետք է ընդունել, կա որոշակի տրամաբանություն' Միկոյանին արդարացնելու համար անհրաժեշտ է արդարացնել նաեւ Ստալինին:

Բայց ամենացավալին դա չէ: Ավելի ցավալի է մի մեկնաբանություն, որը քննարկման ժամանակ գրել է մի երիտասարդ' ըստ երեւութին, ընդդիմադիր հայացքներ ունեցող: Ըստ նրա, եթե Ստալինը ավելի շատ մարդ գնդակահարեր, Հայաստան երկիրն այս օրի չէր լինի: Այսինքն' կարգուկանոնը, կոռուպցիայի բացակայությունը, իշխանավորների լեգիտիմությունը պայմանավորված է նախկինում' Ստալինի ժամանակ գնդակահարված մարդկանց քանակով: Որքան շատ գնդահարվեին, այնքան մեծ կլիներ հիմա հանցագործ տարրերի վախը:
Դա ոչ միայն տվյալ երիտասարդի, այլեւ, ենթադրում եմ, նաեւ նրա ծնողների եւ պապերի տեսակետն է: Իբր օրինականությունը պետք է հաստատվի «երկաթե բռունցքի» վախից:

Շարունակությունը` «Առավոտ» օրաթերթի այսօրվա համարում: