Գրոսմայստեր Արման Փաշիկյանը բաժանեց 2-5 տեղերը Ագզամովի հուշամրցաշարում

Ուզբեկստանի մայրաքաղաք Տաշքենդում ավարտվել է «Ագզամովի հուշամրցաշար» անվանումը կրող ուժեղագույն օփեն մրցաշարը: Հայաստանը ներկայացնող գրոսմայստեր Արման Փաշիկյանը 9 հնարավորից վաստակել է 7 միավոր և, բաժանելով 2-5 տեղերը, լրացուցիչ ցուցանիշներով արժանացել 5-րդ մրցանակին: Այս մասին գրում է Հայաստանի շախմատի ֆեդերացիայի պաշտոնական կայքը:

Ռոբերտ Հովհաննիսյանը 6,5 միավորով զբաղեցրել է 9-րդ տեղը: Մրցաշարի հաղթող է ճանաչվել 7,5 միավոր վաստակած հնդիկ շախմատիստ Գուպտան: