Մունդիալ. 2014-ին ընդառաջ. ՉԻԼԻ

Սպորտ 27 Մայիս, 2014 0:49

Ֆուտբոլի 1950 թվականից աշխարհի առաջնությունից անցել է մոտ 64 տարի, սակայն ինչպես այդ թվականին, այնպես էլ այս մունդիալն անցկացվում է այն երկրում, որտեղ ֆուտբոլն ավելին է, քան մարզաձև, ավելին է քան, ապրելակերպ: Մի բան ևս մնացել է անփոփոխ` Հարավամերիկյան երկրներից Չիլիի հավաքականը դարձյալ մասնակցում է մունդիալին:

Չիլիի ֆուտբոլի ազգային թիմը մասնակցել է աշխարհի 8 առաջնությունների, սակայն «կարմիր թիմի» համար աստղային ժամը 1962 թվականի ԱԱ-նն էր: Այդ առաջնությունն անցկացվում էր հենց Չիլիում, և, ինչպես ասում են, «կարմիր թիմին» օգնեցին տան պատերը: Հայտնվելով երկրորդ խմբում` չիլիցիները զբաղեցրեցին երկրորդ տեղը և դուրս եկան հաջորդ փուլ: Մինչև կիսաեզրափակիչը Չիլիի ընտրանին հաղթեց ԽՍՀՄ հավաքականին, իսկ կիսաեզրափակչում պարտվեց Բրազիլիային: Երրորդ տեղի համար Չիլի հավաքականը մրցեց Հարավսլավիայի հավաքականի հետ և առավելության հասավ նվազագույն հաշվով: Այդ առաջնությունում իր 4 գոլով լավագույն ռմբարկուների շարքում էր նաև Չիլի ներկայացուցիչ Լեոնել Սանչեսը:

Հաջորդ մունդիալներին` 1966, 1974 և 1982 թվականներին, Չիլիի հավաքականը խմբային փուլից առաջ չգնաց: Իսկ ահա 1998 թվականին խմբային փուլից հետո «կարմիր» թիմին կանգնեցրեց Բրազիլիան, նույնը եղավ նաև 2010 ԱԱ-ն ժամանակ, և կրկին «խանգարողը» աշխարհի հնգակի չեմպիոններն էին:

Չիլիի ֆուտբոլի ազգային հավաքականն իր պատմության մեջ ամենախոշոր հաղթանակը տոնել է Հայաստանի ֆուտբոլի ազգային թիմի նկատմամբ` 1997 թվականին, հաղթելով 7-0 հաշվով: «Կարմիր» թիմի կազմում ամենաշատ հանդիպումներ է անցկացրել Լեոնել Սանչեսը (1955-67), իսկ թիմի լավագույն ռմբարկուն Մարսել Սալասն էր:

Մունդիալ- 2014-ին Չիլիի հավաքականը ներկայանում է հետևյալ ընդլայնված կազմով.

Դարպասապահներ` Ջոնի Հերեյրա («Ունիվերսիդադ դե Չիլի»), Պաուլու Գարսես («Օ՛Հիգինս»), Կլաուդիո Բրավո («Ռեալ Սոսյեդադ»), Քրիստոֆեր Տոսելի («Ունիվերսիդադ Կաթոլիկա»),

Պաշտպաններ` Խոսե Ռոխաս («Ունիվերսիդադ դե Չիլի»), Մարկոս Գոնսալես («Ունիոն Էսպանյոլա»), Մաուրիսիո Իսլա («Յուվենտուս»), Էուդժենիո Մենա («Սանթոս»), Միիկո Ալբորնաս («Մալմե»), Գոնսալո Հարա («Նոթինգեմ Ֆորեստ»), Էնցո Անդիա («Ունիվերսիդադ Կաթոլիկա»),

Կիսապաշտպաններ` Խոսե Պեդրո Ֆուենսալիդա («Կոլո Կոլո»), Պաբլո Հերնանդես («Օ՛Հիգինս»), Մարսելո Դիաս («Բազել»), Արտուրո Վիդալ («Յուվենտուս»), Կարլոս Կարմոնա («Ատալանտա»), Չարլես Արանգիս («Ինտերնասինոալ») Գարի Մեդել («Կարդիֆ»), Ֆրանցիսկո Սիլվա («Օսասունա»), Ֆելիպե Գուտյերես («Տվենտե»), Ժան Բոսեժուր («Ուիգան»), Մատիաս Ֆերնանդես («Ֆիորենտինա»), Խորխե Վալդիվիա («Պալմեյրաս»), Ռոդրիգո Միլար («Ատլաս»),

Հարձակվողներ` Էստեբան Պարեդես («Կոլո Կոլո»), Ալեքսիս Սանչես ( «Բարսելոնա»), Ֆաբիան Օրելյանա («Գրանադա»), Մաուրիսիո Պինիլյա («Կալյարի»), Գուստավո Կանալես («Ունիոն Էսպանյոլա»), Էդուարդո Վարգաս («Վալենսիա»): Գլխավոր մարզիչ' Խորխե Սամպաոլի:

Չիլիի սս ազգային հավաքականը ՖԻՖԱ-ի վարկանիշային աղյուսակում զբաղեցնում է 13-րդ հորիզոնականը:

Ֆ ուտբոլ աշխարհի առաջնության մեկնարկին մնացել է 16 օր: