«Հրապարակ». Հայ բիզնեսմենները նախընտրում են ոչ թե հարկեր վճարել, այլ հարկայինի տեսուչներին կաշառել

Բաթումիից օրերս վերադարձած ընկերս հիացմունքով պատմում էր, թե վրացիներն ինչ հսկայական ներդրումներ են անում իրենց երկրում: Դրսում փող են աշխատում, բերում իրենց երկրում բիզնես դնում: Իր այցելության պահին Մոսկվայի նախկին քաղաքապետի նախկին տեղակալ, Լուժկովի մերձավոր, ազգությամբ վրացի Օրջոնիկիձեն Բաթումիում է հավաքել մեծ թվով հյուրերի, ցուցադրել իր կառուցած շքեղ հանգստավայրը եւ հայտարարել, որ հսկայական գումարներ է աշխատել իր կյանքի ընթացքում եւ դրանք մինչեւ վերջին ցենտը ներդնելու է իր երկրում: Կառուցելու է, զարգացնելու է Բաթումին, նպաստելու է Վրաստանի առաջընթացին եւ տարբեր ազգերի ներկայացուցիչ իր հյուրերին էլ կոչ է արել անել նույնը: Հայազգի հյուրերը ոչ միայն հիացմունքի, թերեւս նաեւ ամոթի զգացում են ապրել՝ իրենք բոլոր, անգամ ամենաչնչին առիթներն օգտագործում են իրենց կապիտալն արտահանելու ու արտագաղթելու, դրսում բիզնես դնելու համար: Իսկ եթե անգամ չեն կարողանում դա անել, ողջ օրը նվնվում են ու դժգոհում:

Գործունեություն ծավալել չկարողանալու ողջ մեղքը դնում են իշխանությունների, օրենքների, հարկայինի, մրցակիցների, ճանապարհների, աշխարհագրական դիրքի, հայի խասյաթի, անգամ բնակլիմայական պայմանների վրա: Հայ բիզնեսմենները նախընտրում են ոչ թե հարկեր վճարել, այլ հարկայինի տեսուչներին կաշառել: Ոչ թե մրցակցել ու հաղթել մրցակիցներին, այլ զարտուղի ճանապարհներով արտոնություններ ձեռք բերել: Ոչ թե բիզնեսը զարգացնել, այլ վաշխառությամբ զբաղվել՝ ուրիշի գործի մեջ փայ մտնելով, տարածքներ վարձակալության տալով: Եթե ներդրածի դիմաց 2 կամ 3 անգամ օգուտ չեն ստանում, ուրեմն, վնասով են աշխատում՝ արագ նահանջում են, փակում բիզնեսը, վաճառում ունեցվածքը եւ «չվում» տաք երկրներ:

Շարունակությունը` «Հրապարակ» օրաթերթի այսօրվա համարում: