«Առավոտ». ՌԴ-ն Ադրբեջանի հետ ռազմական համագործակցությունը զարգացնում է «նախանձելի» տեմպերով

ՀՀ անվտանգության երաշխավոր ՌԴ-ն Ադրբեջանի հետ ռազմական համագործակցությունը զարգացնում է «նախանձելի» տեմպերով.

ՀՀ Պնախարար Սեյրան Օհանյանի գլխավորած պատվիրակությունը անցյալ շաբաթ Մոսկվայում մասնակցեց Միջազգային անվտանգության երրորդ համաժողովին, որի շրջանակներում նա երկկողմ հանդիպումներ է ունեցել նաեւ իր գործընկերների հետ: ՌԴ Պնախարար Սերգեյ Շոյգուն եւ Ս.Օհանյանը ստորագրել են երկու երկրների կառավարությունների միջեւ 2012թ․ հոկտեմբերի 3-ին ստորագրված' Հայաստանի տարածքում ռուսաստանյան ռազմակայանի տեղաբաշխման կետերի մասին արձանագրության մեջ փոփոխություններ կատարելու մասին թիվ 1 Արձանագրությունը: ՌԴ ՊՆ-ի կայքից տեղեկանում ենք, որ Շոյգուն առաջարկել է ստորագրել միջկառավարական համաձայնագիր Հայաստանում ռուսական ռազմաբազաների տեղաբաշխման մասին, որը ենթադրում է, մասնավորապես, ռուսական ռազմաօդային ուժերի ուղղաթիռային էսկադրիլիայի առկայությունը Էրեբունի օդանավակայանում։

Սրան զուգահեռ Մոսկվայում անվտանգության կոնֆերանսում Շոյգուն նշել է, որ ՌԴ-ն ուժեղացնում է արտերկրում գտնվող իր ռազմաբազաները, ինչպես նաեւ մասնակցում է ՀԱՊԿ-ի ու ՇՀԿ-ի երկրների զինված ուժերի ուժեղացմանը: Նույն միջոցառման շրջանակներում տեղի է ունեցել Շոյգուի եւ Ադրբեջանի Պնախարար Զաքիր Հասանովի հանդիպումը, որի ընթացքում Շոյգուն նշել է, որ բոլոր «գունավոր հեղափոխությունները» այս կամ այն չափով հանգեցնում են արյունահեղության, անկայունության ու դրական հեռանկարների բացակայության. «Երկկողմ կապերն ու շփումները ազդում են Ադրբեջանի հետ ու տարածաշրջանում ՌԴ-ի հարաբերությունների կայունության ու անվտանգության ապահովման վրա»:

Շարունակությունը` «Առավոտ» օրաթերթի այսօրվա համարում: