Մունդիալ - 2014-ին ընդառաջ. ԿՈԼՈՒՄԲԻԱ

Կոլումբիական բազմատեսակ սուրճից զատ, ֆուտբոլային աշխարհը գիտի նաև Ռադամել Ֆալկաոյին, ում գեղեցիկ խաղը շատ «համեղ պահեր» է նվիրել ֆուտբոլասերներին:

Կոլումբիայի ֆուտբոլի ազգային հավաքականն իր վերելքն ապրեց 2000-ական թվականերին, երբ «սուրճ աճեցնողները» բավականին հաջող ելույթ ունեցան Ամերիկայի գավաթի խաղարկությունում և դարձան չեմպիոններ: Մինչ այդ, 1990-թվականի աշխարհի առաջնությունում կոլումբիացիներն արդեն ասել էին իրենց խոսքը` հասնելով մինչև 1/8 եզրափակիչ:

Մունդիալ-90-ին, որն անցկացվում էր Իտալիայում, Կոլումբիան D խմբում էր` Գերմանիայի Ֆեդերատիվ Հանրապետության, Հարավսլավիայի և Արաբական Միացյալ Էմիրությունների թիմերի հետ: Երեք խաղերից առաջինում կոլումբիացիները հաղթեցին Էմիրությունների ներկայացուցիչներին, պարտվեցին Հարավսլավիային, և ոչ-ոքի խաղացին գերմանացիների հետ: 1/8 եզրափակիչում հարավամերիկացիները զիջեցին Կամերունին:

Կոլումբիայի ազգային հավաքականն առաջին անգամ մունդիալին մասնակցել է 1962 թվականին, երբ աշխարհի ԱԱ-ն անցկացվում էր Չիլիում: Սակայն Ադոլֆո Պեդերների (Կուլումբիայի հավաքականի այդ օրերի մարզիչը) սաները խմբային փուլերի հանդիպումներում չտոնեցին և ոչ մի հաղթանակ, մնացին խմբի ետնապահը:

1994, 1998 թվականների մունդիալների ժամանակ «սուրճի երկրի» ներկայացուցիչները խմբային փուլից առաջ չգնացին: Հաջորդ երեք առաջնություններում Հարավամերիկյան թիմերի շարքում «Ոսկե գավաթ»-ի համար պայքարողների շարքում դարձյալ Կոլումբիան չկար: Այժմ հարազատ աշխարհագրական դիրքը, կլիմայական ծանոթ պայմանները կոլումբիացիների համար պիտի որ հնարավորություն տան ցանկալի արդյունքի հասնելու համար: Իսկ «ֆուտբոլը գեղեցիկ է իր անկախատեսելիությամբ»:

«Սուրճ մշակողներն» իրենց հաջողության բանալին համարում են թիմի սիրտը դարձած Ռադամել Ֆալկաոյին : Ֆալկաոն, ով հանդես է գալիս «Մոնակո»-թիմում, մունդիալում ուժեղացնելու է Կոլումբիայի հարձակման գիծը: Կոլումբական «բանակի» հիմնական ուժերից է նաև 38-ամյա ավագը` Մարիո Յեփեսը, ով պաշտպանության հիմնական «բարիկադներից» մեկն է: 1999 թվականից ընդգրկվելով ազգային հավաքականի կազմում` Յեփեսը մասնակցել է 85 հանդիպման:

Հունաստանի, Կոդ դը Իվուարի և Ճապոնիայի հետ Կոլումբիան կմրցի հետևյալ կազմով.

Դարպասապահներ` Դավիդ Օսպինա («Նիցա»), Ֆարիտ Մոնդրագոն («Դեպորտիվո» Կալի), Կամիլո Վարգաս («Ինդեպենդենտե»), Պաշտպաններ՝ Կամիլո Ցունիկա («Նապոլի»), Պաբլո Արմերո («Վեստ Հեմ»), Քրիստիան Սապատա («Միլան»), Մարիո Յեփես («Ատլանտա»), Կառլոս Վալդես («Սան Լորենցո»), Սանտիագո Արիաս (ՊՍՎ), Էդեր Բալանտա («Ռիվեր Պլեյտ»), Ակվիվալդո Մոսկարա («Ամերիկա»),

Կիսապաշտպաններ՝ Համես Ռոդրիգես («Մոնակո»), Աբել Ագիլար («Թուլուզ»), Կ առլոս Սանչես («Էլչե»), Ֆրեդի Գուարին («Ինտեր»), Խուան Կինտերո («Պորտու»), Ալդե Ռամիրես («Մորելիա»), Էդվին Վալենսիա («Ֆլումինենսե»), Մակնելի Տորես («Ալ Շաբաբ»), Ալեքս Մեխիա («Ատլետիկո Նասիոնալ»), Վիկտոր Իբարբո («Կալյարի»), Էլկին Սոտո («Մայնց»), Խուան Կուադրադո («Ֆիորենտինա»),

Հարձակվողներ՝ Ջեքսոն Մարտինես («Պորտու»), Ռադամել Ֆալկաո («Մոնակո»), Տեոֆիլիո Գուտիերես («Ռիվեր Պլեյտ»), Լուիս Մուրիել («Ուդինեզե»), Կառլոս Բակա («Սևիլիա»), Ադրիան Ռամոս («Հերտա»): Թիմի գլխավոր մարզիչն է Ժոզե Պեկերմանը:

ՖԻՖԱ-ի վարկանիշային աղյուսակում Կոլումբիան 5-րդ հորիզոնականում է (1186 միավոր):

ՖՈՒՏԲՈԼԻ ԱՇԽԱՐՀԻ ԱՌԱՋՆՈՒԹՅԱՆ ՄԵԿՆԱՐԿԻՆ ՄՆԱՑԵԼ Է 15 ՕՐ: