«Rolling Stones»-ը վերսկսել է ընդհատված շրջագայությունը
Այլ
Rolling Stones խումբը վերսկսել է իր համաշխարհային շրջագայությունը և առաջին համերգն է տվել վոկալիստ Միք Ջագերի ընկերուհու մահվանից հետո: Մայիսի լույս 27-ի գիշերը հաղորդել է «Reuters» գործակալությունը:
Խումբը չեղյալ էր հայտարարել շրջագայությունն Ավստրալիայում և Նոր Զելանդիայում այն բանից հետո, երբ վոկալիստ Միք Ջագերի ընկերուհին՝ Լորեն Սքոթը, իքնասպանությամբ վերջ էր տվել կյանքին: Ջագերի 49-ամյա սիրուհու մարմինը մարտի 17-ին գտել էին Նյու Յորքի բնակարանում:
«Ռոլինգները» մայիսի 26-ի երեկոյան ելույթ են ունեցել Նորվեգիայի մայրաքաղաք Օսլոյում: Համերգի էր եկել ավելի քան 20 հազար հանդիսական: Ըստ գործակալության տվյալների՝ այն երգերի թվում, որոնք կատարել են երաժիշտները, եղել են Satisfaction, Brown Sugar և Sympathy for the Devil հիթերը:
Հաղորդվում է, որ Ավստրալիայում և Նոր Զելանդիայում չկայայած համերգները փոխադրվել են հոկտեմբեր և նոյեմբեր ամիսներ:
"The Rolling Stones"-ի ալբոմների ընդհանուր տպաքանակը, որոնց թիվը գրեթե 30 է (չհաշված համերգայինները), գերազանցել է 250 միլիոնը, ընդ որում 200 միլիոնը վաճառվել է ԱՄՆ-ում: 1989 թվականին խումբը մտել է Ռոք-ն-ռոլի փառքի սրահ, իսկ 2004 թվականին, ըստ Rolling Stone հանդեսի վարկածի, չորրորդ տեղն է զբաղեցրել բոլոր ժամանակների 50 մեծագույն կատարողների ցուցակում, հաղորդել է Ռիա Նովոստին:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
