«Բարսելոնան» ցանկանում է ձեռք բերել Ռակիտիչին

«Սևիլիայի» կիսապաշտպան Իվան Ռակիտիչը հայտնվել է կատալոնական «Բարսելոնայի» ուշադրության կենտրոնում: Այդ մասին տեղեկացնում է El Mundo Deportivo-ն:

Աղբյուրի տեղեկությունների համաձայն` անդալուզյան ակումբը չի ցանկանում հրաժարվել իր ֆուտբոլիստից և պատրաստվում է նոր պայմանագիր կնքել:

Նոր պայմանագրում Ռակիտիչի` ակումբը լքելու հրաժարագինը կլինի 40 մլն` պայմանով, որ եթե ֆուտբոլիստից ցանկանան ձեռք բերել առաջատար ակումբ, ապա փոխհատուցման գումարը կնվազեցվի մինչև 20-25 մլն եվրո:

Նշենք, որ ֆուտբոլիստի ծառայություններով հետաքրքրված են նաև «Ռեալը» և «Ատլետիկոն»: