Մունդիալ 2014-ին ընդառաջ. ՃԱՊՈՆԻԱ

Ֆուտբոլի ասիական հավաքականների մեջ վստահ իր առանձին և արժանի տեղն ունի «Ծագող Արևի» երկրի ընտրանին: Ճապոնացիները վերջին տասնամյակում մեծ հաջողությունների հասան` մասնակցելով աշխարհի մի քանի առաջնությունների, միաժամանակ դառնալով Ասիայի չեմպիոն: Աշխարհի առաջնություններում նրանց հաջող ելույթները հաստատում են այն, որ Ճապոնիայի հավաքականի համար ստեղծվել են լավ նախապայմաններ` գործում են լուրջ ֆ ուտբոլային ակումբներ, կան տաղանդավոր ֆուտբոլիստներ: Ավելին, այսօր ճապոնացի ֆուտբոլիստների կարելի է տեսնել եվրոպական շատ ակումբների կազմում:

1998 թվականին «Կապույտ սամուրայներն» առաջին անգամ մասնակցեցին աշխարհի առաջնությանը: Ֆրանսիայում կայացած աշխարհի առաջնությունում Ճապոնացիները ոչ մի հաղթանակ չտոնեցին: Երեք խաղերն էլ զիջեցին մրցակցին, և խմբում 0 միավորով զբաղեցրին վերջին տեղը: 2002 թվականին, երբ առաջնությունն անցկացվում էր հենց Ճապոնիայում և Կորեայում, ճապոնացիները դուրս եկան խմբից, սակայն 1/8 հանդիպումներում նրանց կանգնեցրեց Թուրքիայի հավաքականը, որն էլ այդ տարի դարձավ ԱԱ-ի բրոնզե մեդալակիրը: 2006թվականին Ճապոնիան հաղթանարեց որակավորման փուլը, սակայն անկարող գտնվեց խմբից դուրս գալու: Իսկ Հարավաֆրկյան Հանրապետությունում կայացած ԱԱ-ում քառորդ եզրափակիչի ուղեգիրը զիջեց Պարագվայի հավաքականին:

«Սամուրայները» 7 անգամ մասնակցել են Ասիայի գավաթի խաղարկությանը, որից 4-ում դարձել են Չեմպիոն:

Ճապոնացիներն իրենց առաջին պաշտոնական հանդիպումն անցկացրել են 1917 թվականին` Չինաստանի հետ, և պարտվել են 0-5 հաշվով: 1967 թվականին Տոկիոյում Ֆիլիպինների հետ հանդիպման ժամանակ ճապոնացիները հաղթեցին «բասկետբոլային»` 15-0 հաշվով:

Ճապոնիայի ֆուտբոլի ազգային թիմի թալիսմաններն են Կայիշիկու Հոնդան, Սինձի Կագավան և Սինձի Օկազակին, ովքեր հանդես են գալիս Եվրոպական առաջատար ակումբներում: Գլխավոր մարզիչը իտալացի Ալբերտո Զարկերոնին ճապոնացիների 6 օտարերկրացի մարզիչն է: «Սամուրայների» կազմում ամենաշատ հանդիպումներ անցկացրել է Յասուտո Ենդոն, ով թիմ է հրավիրվում 2002 թվականից ի վեր: Այս հավաքականի կազմում լավագույն ռմբարկուն Սինձի Օկազակին է, ով խփել է 38 գնդակ:

Մունդիալ 2014-ին Ճապոնիան կներկայանա հետևյալ կազմով`

Դարպասապահներ` Էյձի Կավասիմա («Ստանդարտ»), Սյուսակու Նիկիսավա («Ուռավա Ռեդս»), Սյուիտա Գոնդա («Տոկիո»)։

Պաշտպաններ` Յասույուկի Կոնո («Գամբա Օսակա»), Մասահիկո Ինոհա («Ջուբիլո Իվատա»), Յուտո Նագամոտո («Ինտեր»), Մասատո Մորիսիգե («Տոկիե»), Ացուտո Ուչիդա («Շալկե»), Մայա Յոսիդա («Սաութհեմփթոն»), Նիրոկի Սակաի («Հանովեր»), Գոտոկու Սակաի («Շտուտգարտ»):

Կիսապաշտպաններ` Յասուխիտո Էնդո («Գամբա Օսակա»), Մակոտո Հասեբե («Նյուրնբերգ»), Տոսիխիրո Աոյամա («Սանֆրեչե Հիրոսիմա»), Խոտառու Յամագուտի («Սերեսո Օսակա»), Կեյսուկե Հոնդա («Միլան»), Սինձի Կագավա («Մանչեսթեր Յունայթեդ)։

Հարձակվողներ` Եսիտո Օկուբո («Կավասակի Ֆրոնտալե»), Սինձի Օկաձակի («Մայնց»), Հիրոսի Կիյոտակե («Նյուրնբերգ»), Յոյտիրո Կակիտանի («Սերեսո Օսակա»), Մանաբու Սայտո («Յոկոհամա Մարինոս»), Յույա Օսակո («Մյունխեն 1860»)։ Գլխավոր մարզիչ Ալբերտո Զարկերոնի:

ՖԻՖԱ-ի վարկանշային աղյուսակում Ճապոնիայի հավաքականը 47-րդ տեղում է:

ՖՈՒՏԲՈԼԻ ԱՇԽԱՐՀԻ ԱՌԱՋՆՈՒԹՅԱՆ ՄԵԿՆԱՐԿԻՆ ՄՆԱՑԵԼ Է 14 ՕՐ: