Ավարտվեց ձյուդոյի վարկանշային մրցաշարը` նվիրված Շուշիի ազատագրմանը

Երևանի Խուլ Համրերի մարզադահլիճում մայիսի 27-ին տեղի ունեցավ ձյուդոյի վարկանիշային հանրապետական մրցաշար' նվիրված Շուշիի ազատագրման 22-ամյակին: Մրցաշարը կազմակերպել էր «Զեյթուն» մարզական ակումբը: Մրցաշարը անց է կացվում արդեն 7-րդ անգամ: Բացման խոսքում «Զեյթուն» մարզական ակումբի նախագահ մանկավարժական գիտությունների թեկնածու Դավիթ Խիթարյանը ողջունեց մրցման մասնակիցներին, շնորհակալություն հայտնեց մասնակցության համար և կարևորեց մատաղ սերնդի ռազմահայրենասիրական դաստիարակության գործում նման միջոցառումների կազմակերպումը:

Առաջնությունն անցկացվում էր 1998-2000 թթ. պատանիների միջև 9 քաշային կարգերում: Երևանի ՀՄՄ, «Դինամո», Քանաքեռ-Զեյթուն վարչական շրջանի մարզադպրոցի, Երևանի Օլիմպիական պատանեկան քոլեջ, Մոնումենտ, Ավանի, Նուբարաշենի, Վանաձորի, Արցախի, Աբովյանի, Նոր Հաճընի, Արմավիրի, Չարենցավանի դպրոցներ թիմերից առաջնությանը մասնակցեցին 86 ձյուդոիստներ: Թիմային հաշվարկով 3 ոսկի, 1 արծաթ, 3 բրոնզ առաջին տեղը գրավեց Վանաձորի թիմը, երկրորդ տեղը 2 ոսկի, 1 արծաթ, 2 բրոնզով գրավեց Երևանի Նորքի Հայորդյաց Տուն թիմը, երրորդ տեղը գրավեց Երևանի «Դինամո» թիմը 2 ո սկի: «Արմենպրես»-ին այս մասին տեղեկացրին Հայաստանի ձյուդոյի ֆեդերացիայից:

Անհատական առջնությունում հաղթողներ դարձան 38կգ Դավիթ Մնացականյանը, 42կգ Արթուր Մանուկյանը, 46կգ Էմիլ Մկրտումյանը, 50կգ Էրիկ Հարությունյանը, 55կգ Հրաչյա Նիկողոսյանը, 60կգ Ժորա Սահակյանը, 66կգ Բորիս Շատվերյանը, 73կգ Թելման Ամիրխանյանը, +73կգ Ռոբերտ Կիրակոսյանը: