«Հրապարակ». Բարդ տարի է լինելու 2015-ը հայ ժողովրդի համար

Բարդ տարի է լինելու 2015-ը հայ ժողովրդի համար: Ցեղասպանության 100-ամյակը, որին այնպիսի հանդիսավորությամբ պատրաստվում են ՀՀ իշխանությունները եւ հատուկ այդ նպատակով ձեւավորված պետական հանձնաժողովը, պարզ չէ, թե ինչ ընթացք է ունենալու: Մի կողմից՝ մենք սովոր ենք, որ միայն հոբելյանական-տոնական տարիներն են հանդիսավորությամբ նշվում, մյուս կողմից՝ դժվար է պատկերացնել մի ամբողջ սգո տարի, որի ժամանակ եւ պատշաճ հարգանքի տուրք մատուցվի նահատակների հիշատակին, եւ մեր ազգային ինքնությունն ու արհավիրքների միջից ողջ-առողջ դուրս գալու ունակությունն ընդգծվի, միաժամանակ՝ աշխարհը շարունակի 100-ամյակի առիթով ճանաչել Հայոց ցեղասպանության փաստը, ու ամենակարեւորը՝ ճանաչի ինքը՝ ցեղասպանության համար պատասխանատվություն կրող երկիրը:

Ինչպես անել, որ տարին անցկացնենք պատվով՝ չնվնվանք ու չողբանք, արժանապատիվ ու հնամենի ազգին բնորոշ պատվախնդրությամբ նշենք ու ստիպենք, որ ողջ աշխարհը նշի: Դատելով անցյալի փորձից եւ որեւէ կոնստրուկտիվ քայլ ձեռնարկելու մեր համազգային անընդունակությունից, կարող ենք կանխատեսել, որ այս խնդիրը լուծելը մեր ուժերից վեր է: Մենք, որ տոներ ու հիշատակի արարողություններ չենք կարողանում կազմակերպել:

Այնպես, որ Հանրապետության օրը՝ պայծառ մի տոն, չվերածվի եղեռնի տեսարանների նկարագրության, քրդական երաժշտության քարոզի կամ ուտել-խմելու արարողության: Այնպես, որ տոնին հաղորդակից լինեն բոլորն անխտիր, եւ այն ձեւական չլինի: Այնպես, որ չդառնա կուսակցական-պետական գործիչների PR ակցիա եւ իշխող կուսակցության շքախմբի՝ Սարդարապատի հուշահամալիրի ֆոնին լուսանկարվելու գործընթաց: Այնպես, որ մեծից փոքր հասկանան, որ այդ օրն իր մեջ մեր ազգի կենսունակության, ոգեղենության, գոյատեւման խորհուրդն է կրում:

Շարունակությունը` «Հրապարակ» օրաթերթի այսօրվա համարում: