Մեծի տանն Կիլիկիո կաթողիկոսության չորս միաբաններ ազատվեցին պարտադիր զինվորական ծառայությունից
ԱՐԽԻՎ
Հայաստանի կառավարությունը Մեծի տանն Կիլիկիո կաթողիկոսության' ՀՀ քաղաքացիություն ստացած մի խումբ միաբանների ազատեց պարտադիր զինվորական ծառայությունից: Նրանք ծնունդով Իրանից են, Լիբանանից, ԱՄՆ-ից և Վենեսուելայից: ՀՀ սփյուռքի նախարար Հրանուշ Հակոբյանը նշեց, որ այս հարցով կառավարությանը դիմել է Մեծի տանն Կիլիկիո կաթողիկոս Արամ Առաջինը: «Միաբաններն իրենց գործունեությունը շարունակելու են Սիրիայում և Լիբանանում»,- ասաց Հրանուշ Հակոբյանը:
«Հաշվի առնելով ՀՀ քաղաքացիություն ստացած Աբրահամ Զարեհի Աշքեանի (Թեհրան, Իրան), Սամուէլ Յովհաննեսի Լախոյեանի (Լիբանան), Յարութ Հրաչի Շխրտըմեանի (Նյու Յորք, Ամերիկայի Միացյալ Նահանգներ), Աբրահամ Յարությունի Մանուէլի (Կարակաս, Վենեսուելա) մեծ ավանդը հայապահպանության գործում և ծավալած գործունեությունը սփյուռքի հայկական համայնքներում՝ ՀՀ սփյուռքի նախարարությունը նպատակահարմար է գտնում ՀՀ կառավարության որոշմամբ` վերոնշյալ անձանց ազատել պարտադիր զինվորական ծառայությունից»,- նշված է նախագծի հիմնավորման մեջ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
