Հայաստանը հանդիսանում է լավ օրինակ այն երկրի, որը համատեղում է և′ եվրոպական, և′ եվրասիական վեկտորի ինտեգրումը. Սլուցկի

Հայաստանը լավ օրինակն է այն երկրի, որը համատեղում է և′ եվրոպական, և′ եվրասիական վեկտորի ինտեգրումը: Այս մասին հայտարարել է ԱՊՀ-ի`եվրասիական ինտեգրման հարցերով և հայրենակիցների հետ կապերի հանձնաժողովի նախագահ Լեոնիդ Սլուցկին:

Հանձնաժողովի նախագահի կարծիքով` Եվրասիական տնտեսական միությունը յուրօրինակ կամուրջ կդառնա տնտեսական բազմամյա ռեցեսիայի մեջ գտնվող Եվրոպայի և արագ զարգացող Ասիական-խաղաղօվկիանոսյան տարածքի միջև:

«Եվրասիական նախագիծը, որը ձեռնարկվել է լրջորեն և երկար ժամանակով, իր մեջ կներառի նաև այլ երկրներ, մասնավորապես, Հայաստանն ու Ղրղզստանը: Հայաստանը հանդիսանում է լավ օրինակ այն երկրի, որը համատեղում է և′ եվրոպական, և′ եվրասիական վեկտորի ինտեգրումը»,- ասել է Սլուցկին:

Միևնույն ժամանակ, Սլուցկու խոսքով՝ Եվրասիական տնտեսական միությանն Աբխազիայի կամ Հարավային Օսիայի անդամակցման մասին խոսելն առայժմ վաղաժամ է: «Եվրասիական միությանը Աբխազիայի և Հարավային Օսիայի ինտեգրացումն, առաջին հերթին, պետք է լինի բուն բնակչության կամքը: Մենք պետք է հասկանանք, որ Եվրասիական տնտեսական միությունը լուրջ տնտեսական միավորում է, որին ինտեգրվելու համար անհրաժեշտ է ունենալ բավականաչափ զարգացած տնտեսություն»,- ասել է նա:

Հիշեցնենք, որ Սերժ Սարգսյանը կհաստատի մինչև ընթացիկ տարվա հունիսի 15-ը Եվրասիական տնտեսական միության վերաբերյալ պայմանագրին Հայաստանի միանալու վերաբերյալ պայմանագրի ստորագրման ժամկետը: