«Հրապարակ». Ջերմուկ քաղաքի ընտրությունները խոստանում են ոչ պակաս ուշագրավ լինել

Հունիսի 8-ին Ջերմուկ քաղաքի ընտրությունները խոստանում են ոչ պակաս ուշագրավ լինել, քանի որ միմյանց դեմ են դուրս եկել նախկին ընկերները, որոնք հավակնում են քաղաքապետի պաշտոնին. գործող քաղաքապետ Վարդան Հովհաննիսյանը եւ «Ջերմուկշին» ՓԲԸ տնօրեն Կորյուն Ստեփանյանը:

Առաջինին Ջերմուկի տեր ու տիրակալ Աշոտ Արսենյանն է պաշտպանում, իսկ երկրորդին՝ մարզպետ Էդգար Ղազարյանը: Ժամանակին երկու թեկնածուները ոչ միայն ընկերներ են եղել, այլեւ, ասում են՝ նրանց միջեւ նաեւ քավորսանիկական հարաբերություններ կան: Ջերմուկում այժմ վախի մթնոլորտ է, քանի որ Արսենյանը բոլորին ահաբեկել է, որ իր հովանավորյալին չընտրելու դեպքում վատ է լինելու: «Ջերմուկ գրուպն» իր աշխատակիցներին առանձնահատուկ է զգուշացրել: Իր հիմնարկում նույնն է արել նաեւ քաղաքապետի եղբայր Զավեն Հովհաննիսյանը, ով Ջերմուկի էլցանցերի պետն է: Ջերմուկցիները պատմեցին, որ պայքարն այնքան թեժ է, որ գործող քաղաքապետն անգամ սկսել է ընդունելություններ կազմակերպել, մարդկանց ընդունել քաղաքապետարանում, մինչդեռ նախկինում նրան մոտ գնալ հնարավոր չի եղել:

Շարունակությունը` «Հրապարակ» օրաթերթի այսօրվա համարում: