Մունդիալ-2014-ին ընդառաջ. ՇՎԵՅՑԱՐԻԱ

Շվեյցարական շոկոլադ, թե Շվեյցարիայի ֆուտբոլի ազգային հավաքական: Ցավոք, շվեյցարական հավաքականին շոկոլադի պես քաղցր խումբ բաժին չի ընկել: Ակասկած, եվրոպացիներին հեշտ խումբ չի բաժին ընկել, սակայն չպետք է մոռանալ նաև, որ Շվեյցարիայի այսօրվա հավաքականի անցած ճանապարհը լեցուն է հաջողություններով: Ամեն ինչ սկսվեց 2002 թվականին, երբ Շվեյցարիայի մինչև 17 տարեկանների հավաքականը հաղթեց Եվրոպայի առաջնությունում: 2011 թվականին Եվրոպայի մինչև 21 տարեկանների առաջնությունում այս երկրի հավաքականը միայն եզրափակիչում զիջեց Իսպանիային: Հենց այս երիտասարդներն էլ այժմ համալրել են «շվեյցարական 11»-ի կազմը: Այս հավաքականը համալրված է երիտասարդներով, ովքեր խանդավառված են իրենց ունակությունները ցույց տալու մունդիալում:

«Շոկոլադի երկրի» ֆուտբոլային ուղին սկսվել է 1934 թվականից: Իտալիայում կայացած ԱԱ-ում շվեյցարացինեըր հասան մինչև քառորդ եզրափակիչ: Նրանք նույն տեղը' քառորդ եզրափակիչ հասան նաև 1938 և 1950 թվականներին: Սակայն հավաքականը անկում ապրեց 1962 և 1966 թվականների մունդիալներում, որտեղ նրանք մնացին խմբային փուլում, իսկ հետագա 6 առաջնություններում նույնիսկ չորակավորվեցին:

«Վերադարձը» եղավ 1994 թվականին: ԱՄՆ կայացած ԱԱ-ի ժամանակ դուրս գալով խմբից շվեյցարացիները «բախվեցին» «Կարմիր ֆուրիա»-ին և չշարունակեցին պայքարը: Բաց թողնելով աշխարհի ևս երկու առաջնություն «շոկոլադե երկրի» ներկայացուցիչները 2006 թվականի Մունդիալում 1/16 եզրափակչում պարտվեցին Ուկրաինային: Իսկ Հարավաֆրկյան Հանրապետությունում կայացած առաջնությունում Շվեյցարիայի ազգային թիմը դուրս չեկավ խմբից:

Շվեյցարական խաղի «բանալիներից» են Ջորդան Շակիրին և Գրանիտ Խական: Երկուսն էլ հանդես են գալիս գերմանական ակումբներում և համարվում են շվեյցարական ֆուտբոլի ծագող աստղերը: Հավաքականի ուժի և կարողություների մասին լավատեղյակ է գլխավոր մարզիչ Օտմար Հիցֆելդը: Կարծիք կա, որ առաջնության ավարտից հետո 64-ամյա մարզիչը կհեռանա զբաղեցրած պաշտոնից , սակայն մինչ այդ Հիցֆելդը կցանկանա մի նոր հաղթական էջ գրել անձնական ձեռքբերումների մեջ' օգտվելով շվեյցարական տաղանդներից:

Շվեյցարիայի հավաքականը Հարավային Ամերիկա կմեկնի հետևյալ կազմով.

Դարպասապահներ' Դիեգո Բենալգիո («Վոլֆսբուրգ»), Ռոման Բուրեկ («Գրասհոպեր»), Յան Զոմեր («Բազել»),

Պաշտպաններ' Յոհան Ջուրու («Համբուրգ»), Միխայել Լանգ («Գրասհոպեր»), Շտեֆան Լիխշտայներ («Յուվենտուս»), Ռիկարդո Ռոդրիգես («Վոլֆսբուրգ»), Ֆաբիան Շեր («Բազել»), Ֆիլիպ Սանդերոս («Վալենսիա»), Ստիվ ֆոն Բերգեն («Յանգ Բոյս»), Ռետո Ցիգլեր («Սասուոլո»),

Կիսապաշտպաններ' Տրանկվիլո Բարնետա («Այնտրախտ»), Վալոն Բեհրամի, Բլերիմ Ջեյմայլի, Գյոխկան Ինլեր (բոլորը՝ «Նապոլի»), Ժելսոն Ֆերնանդես («Ֆրայբուրգ»), Ջորդան Շակիրի («Բավարիա»), Վալենտին Շտոկեր («Բազել»), Գրանիտ Ջակա («Բորուսիա», Մյունխենգլադբախ),

Հարձակվողներ' Յոսիպ Դրմիչ («Բայեր»), Մարիո Գավրիանովիչ («Ցյուրիխ»), Ադմիր Մեհմեդի («Ֆրայբուրգ»), Հարիս Սեֆերովիչ («Ռեալ Սոսյեդադ»)։ Գլխավոր մարզիչն է Օտմար Հիցֆելդը:

ՖԻՖԱ-ի վարկանիշային աղյուսակում Շվեյցարիան 8-րդն է:

ՖՈՒՏԲՈԼԻ ԱՇԽԱՐՀԻ ԱՌԱՋՆՈՒԹՅԱՆ ՄԵԿՆԱՐԿԻՆ ՄՆԱՑԵԼ Է 12 ՕՐ