«Тату»-ի նախկին մենակատար Յուլիա Վոլկովան՝ «Playboy» ամսագրում (լուսանկարներ)

«Тату» խմբի նախկին մենակատար Յուլիա Վոլկովան նկարահանվել է բաց ֆոտոշարքում, որը կհրապարակվի «Playboy» լեգենդար ամսագրի հունիսյան համարում: 

Սեքսուալ Յուլյա Վոլկովայի՝ կոճակները բաց կորսետով գրավիչ լուսանկարը զարդարել է տղամարդկանց հայտնի ամսագրի շապիկը: Եվ չնայած այն բանին, որ սև-սպիտակ լուսանկարում միակ գունային շեշտադրումը երգչուհու վառ կարմիր շուրթերն են, տղամարդկանց հայացքը, թերևս, քիչ ավելի ներքև կանգ կառնի:

Բացի ֆոտոշարքից` Յուլյա Վոլկովան ոչ պակաս բաց հարցազրույց է տվել, որում պատմել է ուժեղ սեռի ներկայացուցիչների հետ իր ունեցած շփման հարուստ կենսափորձի մասին: Երգչուհին նաև իր զարմանքն է արտահայտել այն բանի վերաբերյալ, թե ինչպես են տղամարդիկ, լինելով ամուսնացած, առանց զգացմունքների սեքսով զբաղվում պատահական կանանց հետ:

Յուլյային պակաս զարմանք չեն պատճառում նաև այն կանայք, ովքեր, կրկին առանց զգացմունքների, փողի կամ թանկարժեք նվերների դիմաց կարող են սեռական կապի մեջ գտնվել տղամարդկանց հետ: «Մի խոսքով, այդ ամենը տհաճ է»,- ասում է նա: