Տավուշի նորանշանակ մարզպետը եկեղեցի է կառուցել
Հայաստան
Այսօր Նոյեմբերյանի տարածաշրջանի Կողբ գյուղում օծվեց Սուրբ Հովհաննես նորակառույց եկեղեցին: Փաստն ինքնին ուրախալի է՝ սահմանամերձ, անընդհատ հակառակորդի կրակահերթերի առկայությամբ ապրող և արարող տարածաշրջանում եկեղեցի է բացվում, ավելին, եկեղեցու մերձակա տարածքը, որը իրենից ներկայացնում էր քարքարոտ և դժվարանցանելի բլուր, վերածվել է հանգստի ազատ գոտու՝ յուրաքանչյուրի համար: Բացման արարողությունը նաև հետաքրքիր խորհուրդ ուներ, այսօր եկեղեցու բակում հավաքվել էին նաև երևանաբնակ նոյեմբերյանցիները՝ պաշտոնյա ու անպաշտոն, ընդդիմադիր և իշխանամետ, ովքեր հարյուրավոր կիլոմետրեր էին կտրել՝ համերկրացիների հետ կիսելու տոնի զգացողությունը: Բազմաթիվ հիմնախնդիրների բեռի տակ կքված տարածաշրջանում սա իսկապես տոն էր, և տոնը ստացվեց:
Եկեղեցին կառուցել է Տավուշի նորանշանակ մարզպետ Հովիկ Աբովյանը, ում Կողբ գյուղի ավագանու որոշմամբ շնորհվեց համայնքի պատվավոր քաղաքացու կոչում:
Ի դեպ, եկեղեցու բացմանը ներկա էր նաև Սերժ Սարգսյանը:
Հ.Գ. Այսօր ևս մեկ նշանակալի իրադարձություն է տեղի ունեցել Նոյեմբերյանի տարածաշրջանում. Ոսկևանում բացվել է ժամանակակից և հարմարավետ շենքային պայմաններով մանկապարտեզ: Այն կառուցվել է Հայաստանի սոցիալական ներդրումների հիմնադրամի 117 միլիոն դրամ ֆինանսավորմամբ:
ՈՒՂԻՂ ԵԹԵՐ
Ամենադիտված 
Վիճաբանությունն ավարտվել է ողբերգությամբ․ 22-ամյա երիտասարդը սպանել է մորն ու քրոջը, 11-ամյա քույրը ծանր վիճակում է
