Արտեմ Ասատրյանն ուղերձ է հղել Երեխաների իրավունքների պաշտպանության օրվա առթիվ

ՀՀ աշխատանքի և սոցիալական հարցերի նախարար Արտեմ Ասատրյանը շնորհավորական ուղերձ է հղել Երեխաների իրավունքների պաշտպանության միջազգային օրվա կապակցությամբ:

Ուղերձում ասված է.

«Իմ փոքրիկ բարեկամներ,

Սրտանց շնորհավորում եմ ձեզ Երեխաների իրավունքների պաշտպանության միջազգային օրվա առիթով:

Սա երեխաների տոնն է, միևնույն ժամանակ հիշեցում, որ մենք՝ ավագներս, պատասխանատու ենք երեխաների ճակատագրերի նկատմամբ: Մենք անում ենք հնարավորը՝ մեր երեխաների երջանկության համար, որպեսզի նրանք մեծանան որպես Հայաստանի Հանրապետության լիիրավ քաղաքացիներ: Մենք պետք է հենարան տանք նրանց, սովորեցնենք լինել բարի, տեսնել գեղեցիկը, գնահատել ազգային և համամարդկային արժեքները:

Շնորհակալություն եմ հայտնում բոլոր ծնողներին՝ իրենց պարտականություններն արժանապատվորեն կատարելու համար, միաժամանակ հիշեցնում, որ մեր կողքին ապրում են անապահով երեխաներ՝ որբեր, առողջական և այլ խնդիրներ ունեցողներ, ում ևս անհրաժեշտ է հոգատարություն և խնամք: Մենք պետք է սիրենք և պաշտպանենք ոչ միայն մեր, այլև բոլոր մանուկներին: Փորձենք մի պահ դուրս գալ նեղ ընտանեկան շրջանակից և քայլեր անել բոլոր երեխաներին պաշտպանելու, մեզ տրված հնարավորություններն օգտագործել այնպես, որ երեխաների յուրաքանչյուր օրը լինի բազմազան ու գունագեղ, գորով անքով ու քնքշանքով լի: Պաշտպանենք մեր ապագան:

Սիրելի փոքրիկներ, մեկ անգամ ևս շնորհավորում եմ այս ջերմ ու գեղեցիկ տոնի կապակցությամբ, մաղթում ձեզ առողջություն, ընտանեկան ջերմություն, ուժեղ և ապահով հայրենիք: Թող անկեղծ ժպիտն ու սերը հարատևեն ձեր կյանքում»:

Հունիսի 1-ը երեխաների պաշտպանության միջազգային օրն է: Օրն ազդակ է բոլոր մարդկանց ու, հատկապես' ծնողներին, որ երեխաները հասարակության խոցելի խմբերից են և պահանջ ունեն ամենօրյա ուշադրության, սիրո և պաշտպանության: Երեխաների պաշտպանության օրը սահմանվել է 1925 թվականին Ժնևում երեխաների պաշտպանության համար հրավիրված համաշխարհային կոնֆերանսի ընթացքում: 1949-ին Կանանց ժողովրդավարական միջազգային դաշինքը երեխաների պաշտպանության օր անցկացնելու որոշում է ընդունել: Առաջին անգամ հունիսի 1-ը նշվել է որպես երեխաների պաշտպանության միջազգային օր 1950-ին: Հայաստանը Երե խաների իրավունքների մասին կոնվենցիան վավերացրել է 1992 թվականին, որից հետո 1996թ. ընդունվել է «Երեխայի իրավունքների մասին» ՀՀ օրենքը: Մեր երկրում ամեն տարի իրականացվում են տարբեր միջոցառումներ' նվիրված երեխաների պաշտպանության օրվան: Հունիսի 1-ը նշում են գրեթե բոլոր հետխ որհրդային երկրները, բացի դրանից, վերջին տարիներին այս օրվան են միացել նաև եվրոպական երկրներ, ԱՄՆ մի շարք նահանգներ: