Այդ ընթերցելուն, չեմ կարծում, որ նշանակություն է պետք տալ. Կարեն Ճշմարիտյանը՝ Ալիևի նամակի մասին
Արտաքին Քաղաքական
ՀՀ էկոնոմիկայի նախարար Կարեն Ճշմարիտյանը Աստանայում Եվրասիական տնտեսական բարձրագույն խորհրդի ընդլայնված կազմով նիստում Ղազախստանի նախագահ Նուրսուլթան Նազարբաևի կողմից ընթերցված Ադրբեջանի նախագահի նամակի վերաբերյալ ՀՀ նախագահ Սերժ Սարգսյանի պատասխանը չի մեկնաբանում:
«Ես նախագահի, ինչպես նաև Նազարբաևի ասածները չեմ մեկնաբանում»,- այսօր լրագրողների հետ ճեպազրույցում ասաց Կարեն Ճշմարիտյանը՝ հավելելով. «Մենք ո՞ր կազմակերպության մեջ ենք մտել Ղարաբաղի հետ: Մենք ՄԱԿ-ի անդամ ենք Արցախի հետ միասի՞ն»,- նշեց Էկոնոմիկայի նախարարը:
Վերջինս նշեց, որ ԼՂՀ ապրանքները կշարունակեն ազատորեն շրջանառվել և′ մեր շուկայում, և′ ԱՀԿ անդամ երկրների, և′ Եվրամիության շուկայում:
«Այստեղ այսքան ժամանակ ոչ մեկ որևէ խնդիր չի առաջացրել: Ինչո՞ւ եք այդքան անհանգստանում, երրորդ, չորրորդ երկրի որևէ նամակ ընթերցելուց: Այդ ընթերցելուն, չեմ կարծում, որ նշանակություն է պետք տալ»,- նշեց Ճշմարիտյանը:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
