Գեղաշենում սպանդի է ենթարկվել բրուցելյուզով հիվանդ 111 կենդանի
Հայաստան
Կոտայքի մարզի Գեղաշեն համայնքում այս պահի դրությամբ 111 գլուխ խոշոր եղջերավոր կենդանի ենթարկվել է սանիտարական սպանդի: Լաբորատոր փորձաքննության արդյունքում հաստատվել է, որ կենդանիները վարակված են բրուցելյոզով: Այս մասին «Արմենպրես»-ի հետ զրույցում տեղեկացրեց ՀՀ ԳՆ Սննդամթերքի անվտանգության պ ետական ծառայության մամուլի քարտուղար Արմինե Սուքիասյանը:
Նրա խոսքով'ներկայումս շարունակվում է շուրջօրյա հսկողությունը մասնագետներիկողմից, որպեսզի խոշոր և մանր եղջերավոր կենդանիների ելումուտ չլինի հարակից գյուղեր` հիվանդության տարածումը կանխելու համար: «Հարակից գյուղրում բրոցելյոզի դեպքեր չեն արձանագրվել: Տարվա ընթացքում մի քանի այլ մարզերում եղել են կենդանիների հիվանդացության մի քանի դեպքեր, սակայն դրանք մորթի են ենթակվել և հիվանդությունը չի տարածվել»,- ասաց Սուքիասյանը:
«Գյուղկենդանիների պատվաստում» ծրագրի շրջանակներում հանրապետությունում յուրաքանչյուր տարի իրականացվում են կենդանիների հիվանդացության կանխարգելիչ և ախտորոշիչ միջոցառումներ: Ծրագիրն արժե 594 մլն դրամ, որի 10 տոկոսն ուղղվում է բրուցելյոզի դեմ պայքարին:
ՈՒՂԻՂ ԵԹԵՐ
Ամենադիտված 
Փաշինյանի դուստրերի լուսանկարները՝ Չինաստանից
