«Հրապարակ». Ռուսաստանյան էմիսարները փորձում են «ամրապնդել» թեզը, որ Հայաստանի ու Ղարաբաղի միջեւ մաքսային կետ անպայման լինելու է

Ռուսաստանյան էմիսարները հայաստանյան իրենց էմիսարների միջոցով փորձում են «ամրապնդել» թեզը, որ Հայաստանի ու Ղարաբաղի միջեւ մաքսային կետ անպայման լինելու է: Մեզ հետ զրուցող ՀՀ բարձրաստիճան պաշտոնյան ասաց. «Բացառեք, Նազարբաեւի ասածները մեզ չէին ուղղված. այդ կաթոցներով Ադրբեջանի կողմնակիցները ցանկանում են Ադրբեջանին համոզել-բերել Եվրասիական միություն, ինչը, կարծում եմ, անհնար է»: Ինչո՞ւ է անհնար:

«Բանն այն է, որ Ռուսաստանը խոստումներ կտա, սակայն Ադրբեջանին կպահի օդում' առանց վերջինիս ցանկությունները բավարարելու, որովհետեւ Ադրբեջանն այսօր կարող է մտնել ԵՏՄ, վաղը նույն արագությամբ դուրս գալ»: Բոլոր դեպքերում, ՌԴ-Ադրբեջան «տորգը» շարունակվում է.

Ադրբեջանը ԵՏՄ-ի ստեղծվելուց, Ալիեւի նամակը Նազարբաեւին կարդալ տալուց հետո հայտարարեց, որ չի մտնի ԵՏՄ, իսկ ՌԴ ֆինանսների նախարարն Ադրբեջանի առնչությամբ ասաց' խոսելու առիթ է, կխոսեն: Ասել է թե' Ռուսաստանը հույսը չի՞ կորցնում: «Կապրենք' կտեսնենք»,- ասաց բարձրաստիճանը: Մեր տեղեկություններով, սակայն, այս խնդրում կա եւս մեկ նրբություն, ինչի պատճառով էլ Հայաստանը ցանկանում է շտապ անդամակցել ԵՏՄ-ին. անդամ երկիրը վետոյի իրավունք է ձեռք բերում:

Շարունակությունը` «Հրապարակ» օրաթերթի այսօրվա համարում: