Մունդիալ-2014-ին ընդառաջ. ԻՐԱՆ

Միայն վիճակագրության ցույց տված արդյունքներով կարելի է կարծիք կազմել Իրանի ֆուտբոլի ազգային հավաքականի մասին: Եվ պատահական չէ, որ Իրանի ընտրանին, հաղթահարելով աշխարհի առաջնության որակավորման փուլը, հայտնվեց F խմբում: Մունդիալներին առաջին անգամ Իրանի հավաքականը մասնակցել է 1978 թվականին` Արգենտինայում կայացած ԱԱ-ում: Այդ ժամանակ իրանցիներին չհաջողվեց դուրս գալ խմբային փուլից:

Բաց թողնելով մի քանի ԱԱ-ներ` ասիացիները մունդիալ վերադարձան 1998 թվականին: ֆրանսիայում հայտնվելով F խմբում` նրանք փուլի երեք հանդիպումներից միայն մեկում` ԱՄՆ թիմի նկատմամբ հաղթանակ տարան: Սակայն, զբաղեցրած 3-րդ հորիզոնականը բավարար չէր հետագա պայքարը շարունակելու համար: Նույնը կատարվեց նաև մունդիալ-2006-ում: Գերմանիայում անցկացվող ԱԱ-ում Իրանի հավաքականը խմբում վերջինն էր: 2010 թվականի Հարավաֆրիկյան Հանրապետությունում կայացած առաջնությանն Իրանի ընտրանին չմասնացեց որակավորման փուլը չանցնելու պատճառով:

Իրանի Իսլամական Հանրապետության ազգային թիմն առաջին պաշտոնական հանդիպումն անցկացրել է 1929 թվականին` 0-11 հաշվով պարտվելով ադրբեջանցիներին, իսկ խոշոր հաշվով հաղթել է Գուամին` 19-0:

Վիճակագրությունը վկայում է, որ Իրանի ընտրանին գրեթե կրկնակի անգամ շատ գնդակներ է խփում, քան` բաց թողնում: Յուրաքանչյուր խաղում իրանցի ֆուտբոլիստները խփում են 1.77 գնդակ, բաց թողնում` 0.88: Մինչև այժմ իրանցիները 857 անգամ գրավել են մրցակցի դարպասը, իսկ սեփականն ընդունել են միայն 401 գնդակ:

Անցկացրած 483 հանդիպումներից 262-ում Իրանի ընտրանին անպարտելի է մնացել, 108-ում զիջել է հանդիպումը, իսկ 113 խաղ ավարտել է ոչ-ոքի: Ասիական ֆուտբոլի ազգային հավաքականների կազմում Իրանի թիմն առաջին տեղում է: Իսկ ահա F խմբում նրանք վարկանիշով զիջում են Արգենտինային, Բոսնիային և Հերցոգովինային, առաջ են Նիգերիայից:

Իրանի հավաքականի առաջատարներից է թիմի ավագը` 33-ամյա Ռեզա Գոհանեջադին: 2010 թվականին միանալով ազգային հավաքականին` Ռեզան առաջին 9 հանդիպումներում դարձավ 7 գոլի հեղինակ: Հավաքականի կազմում անփոխարինելի ֆուտբոլիստների շարքում է նաև մեր հայրենակից Անդրանիկ Թեյմուրյանը, ով հավաքականի լավագույն ետ քաշված կիսապաշտպաններից է:

Մունդիալ-2014-ին համար Իրանի հավաքականը ներկայացրել է հետևյալ ընդլայնված կազմը.

Դարպասապահներ` Դանիել Դավարի («Այնթրախտ», Բրաունշվեյգ), Ալիռեզա Հագիգի («Ռուբին»), Ռահման Ահմադի («Սպահան»), Սոուշա Մականի («Ֆուլադ Հուզեստան»),

Պաշտպաններ` Հոսրո Հեյդարի, Ամիր Սեդահի, Հասեմ Բեիկաձե (բոլորը՝ «Էսթեհլալ»), Հուսեյն Մահինի, Յալալ Հոսեյնի, Մերդադ Պուլադի (բոլորը՝ «Պերսեպոլիս»), Սթիվեն Բայթաշուր («Վանկուվեր»), Պեժման Մոնտեզերի («Ում Սալալ»), Մոհամեդ Հանզադե («Զոբ Ահան»), Ահմեդ Ալենեմեխ («Նաֆթ»), Էհսան Հայսաֆի («Սպահան»),

Կիսապաշտպաններ` Ջեւադ Նեկունամ («Ալ Քուվեյթ»), Անդրանիկ Թեյմուրյան («Էսթեհլալ»), Ռեզա Հագիգի («Պերսեպոլիս»), Հադադիֆար («Զոբ Ահան»), Գասեմ Ռահմանի («Ֆուլադ Հուզեստան»), Ալիռեզա Յահանբաշխ («Նեյմեգեն»), Աշկան Դեժագա («Ֆուլհեմ»),

Հարձակվողներ` Մասուդ Շոդժեն («Լաս Պալմաս»), Մոհամեդ Հալատբարի, Քարիմ Անսարիֆարդ (երկուսն էլ՝ «Պերսեպոլիս»), Մեհդի Շաֆիրի («Սպահան»), Ռեզա Գոոչանեիժադ («Չարլթոն»), Սերդար Ազմուն («Ռուբին»):

Գլխավոր մարզիչն է պորտուգալաց ի Կառլուշ Կեյրուշը:

ՖԻՖԱ-ի վարկանիշային աղյուսակում Իրանի հավաքականը գտնվում է 37-րդ հորիզոնականում:

ՖՈՒՏԲՈԼԻ ԱՇԽԱՐՀԻ ԱՌԱՋՆՈՒԹՅԱՆ ՄԵԿՆԱՐԿԻՆ ՄՆԱՑԵԼ Է 8 ՕՐ: