Երեխաների միամսյակ` «Հայբիզնեսբանկում»

ՀԱՅԲԻԶՆԵՍԲԱՆԿԸ սույն թվականի հունիսի 1-ից մինչև հունիսի 30-ը հայտարարել է «ԵՐԵԽԱՆԵՐԻ ՄԻԱՄՍՅԱԿ», որի ընթացքում նախատեսվում են մի շարք միջոցառումներ, այդ թվում`

բարեգործական ծրագրերի իրականացում, որտեղ գլխավոր դերերում կլինեն երեխաները,

ակցիայի անցկացում «ՄԱՆԿԻԿ» ժամկետային ավանդի գծով,

բաց դռների օր Բանկի աշխատակիցների և «ՄԱՆԿԻԿ» ժամկետային ավանդ ներդրած հաճախորդների երեխաների համար:

Բարեգործական նախաձեռնությունների մեկնարկը տրվել է ս.թ. հունիսի 2-ին, երբ ՀԱՅԲԻԶՆԵՍԲԱՆԿԻ ֆինանսական աջակցությամբ «ՆՈՐԱՍՏՂ» հաշմանդամ երեխաների ծնողների ՀԿ անդամները կազմակերպեցին մոտ 90 երեխաների այցը Grand Candy-ի Պոնչիկանոց: Միջոցառումից հետո, երեխաները, որպես երախտիք, Բանկին նվիրել են ձեռագործ աշխատանք՝ խորհրդանշական նուռը, ընդ որում` դա մեկն է այն բազմաթիվ հուշանվերներից, որոնք պատրաստվել են երեխաների կողմից և շուտով ներկայացվելու են «ՄԱՆԿՈՒԹՅԱՆ ԱՇԽԱՐՀ» էքսպո 2014-ի ցուցահանդես-վաճառքին:

Բաց դռների օրերը նախատեսված են տարբեր տարիքային խմբերի երեխաների համար, ովքեր հնարավորություն կունենան մատչելի մեկնաբանությամբ ստանալ տեղեկատվություն բանկային գործունեության և բանկի կողմից մատուցվող ծառայությունների վերաբերյալ:

Հետագայում ՀԱՅԲԻԶՆԵՍԲԱՆԿԸ լրացուցիչ կներկայացնի մանրամասներ երեխաներին նվիրված ամառային մեկամսյակի ընթացքում անցկացվող միջոցառումների վերաբերյալ: