«ՄՄ-ին և ԵՏՄ-ին Հայաստանի անդամակցությունը կլինի ի շահ Լեռնային Ղարաբաղի». Շարմազանով
Քաղաքական
Հայաստանի անդամակցությունը Մաքսային միությանը և Եվրասիական տնտեսական միությանը կլինի ի շահ Լեռնային Ղարաբաղի: Այս մասին ՀՀԿ ԳՄ նիստի ավարտից հետո լրագրողների հետ զրույցում նշեց ՀՀԿ խոսնակ, ՀՀ ԱԺ փոխնախագահ Էդուարդ Շարմազանովը: «Ես արդեն մեկ անգամ ասել եմ, որ Հայաստանն ու Լեռնային Ղարաբաղի Հանրապետությունը համարվում են մեկ միասնական տնտեսական գոտի, և համոզված եղեք մի բանում, որ Հայաստանի անցամակցությունը Մ աքսային միությանը և Եվրասիական տնտեսական միությանը կլինի միայն ի շահ Լեռնային Ղարաբաղի»,- ասաց Շարմազանովը:
Շարմազանովն ընդգծեց, որ Լեռնային Ղարաբաղը, սակայն փաստացի անկախ պետություն է՝ ընտրված նախագահով և խորհրդարանով, իսկ Հայաստանը՝ որպես Լեռնային Ղարաբաղի անվտանգության երաշխավոր, պետք է ամեն ինչ անի Լեռնային Ղարաբաղի միջազգային ճանաչմանը հասնելու համար: «Բոլոր նրանց պատկերացումերը, ովքեր կարծում են, որ Լեռնային Ղարաբաղը փաստացի անկախ հանրապետություն չէ, սխալ են: Լեռնային Ղարաբաղը փաստացի անկախ հանրապետություն է՝ իր բոլոր ինստիտուտներով»,- շեշտեց նա՝ անդրադառնալով դիտարկմանը, թե ՀՀ երկրորդ նախագահ Ռոբերտ Քոչարյանը հայտարարել է , որ իր պատկերացումներով Լեռնային Ղարաբաղը Հայաստանի մասն է:
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
