Իջևանում գաուբից հրանոթի 2 արկ են հայտնաբերել

ՀՀ արտակարգ իրավիճակների նախարարությունում հունիսի 6-ին` ժամը 18.16-ին, ահազանգ է ստացվել, որ Տավուշի մարզի Իջևան քաղաքի «Իջևանի բենտոնիտ կոմբինատ» ԲԲԸ-ի մոտակայքում հայտնաբերվել է ականանման առարկա:

Դեպքի վայր է մեկնել մեկ մարտական հաշվարկ և մարզի փրկարարական վարչության օպերատիվ խումբը:

Պարզվել է, որ հայտնաբերվել է գաուբիցի 122 մմ տրամագծով 2 արկ (1-ը՝ մարտական գլխիկով). հրշեջ-փրկարարները ժապավենով սահմանազատել են տարածքը: