Շենգավիթի ոստիկանները բնակարանի լոգարանում հայտնաբերել են 65-ամյա կնոջ դի. ոստիկանություն է տեղափոխվել որդին. shamshyan.com

Այսօր՝ հունիսի 7-ին, դաժան ու սահմռկեցուցիչ դեպք է տեղի ունեցել Երևանում:

Ժամը 20:00-ի սահմաններում ոստիկանության Շենգավիթի բաժին ահազանգ է ստացվել, որ Բագրատունյաց 25/27 շենքի բնակարաններից մեկում մահացած կին կա:

Ինչպես դեպքի վայրից հայտնում է shamshyan.com-ը, նշված շենք են ժամանել ոստիկանության Երևան քաղաքի վարչության աշխատակիցները ովքեր թիվ 55 բնակարանի լոգարանում հայտնաբերել են նշված բնակարանի բնակչուհի, 65-ամյա Ալվինա Դարբինյանի դին:

Այս պահին դատական բժիշկը դիակի նախնական դատաբժշկական փորձաքննություն է կատարում և, ըստ տեղեկությունների, կնոջ մարմնի վրա կան հարվածի մի քանի հետքեր, ինչից իրավապահները ենթադրում են, որ կինը ծեծի է ենթարկվել: Դեպքի վայրում հավաքվածները ֆոտոլրագրողին ասում էին, որ մահացածի 2 տղաները բնակվում են արտասահմանում, իսկ մյուս տղան բնակվում էր մոր հետ, ում Շենգավիթի ոստիկանները քիչ առաջ տեղափոխեցին ոստիկանություն, որպեսզի պարզեն, թե արդյոք նա առնչություն ունի՞ մոր սպանության հետ:

Մանրամասն` այստեղ: