Օզբիլիսի ապաքինման համար կպահանջվի 9-10 ամիս

Հայաստանի ազգային հավաքականի և Մոսկվայի «Սպարտակի» կիսապաշտպան Արաս Օզբիլիսը երրորդ անգամ կվիրահատվի:

Ֆուտբոլիստը մինչ այս վիրահատվել էր նաև 2007 և 2009թ-ին:

Ինչպես տեղեկացնում է Bobsoccer-ը, Օզբիլիսին կվիրահատի իտալացի մասնագետ:

Նախնական տվյալներով` ֆուտբոլիստը խաղադաշտ կվերադառնա 9-10 ամիս անց:

Վիրահատությունից հետո ապաքինման ժամկետներն ավելի հստակ կլինեն: Ամենայն հավանականությամբ, ֆուտբոլիստը երկու վիրահատության կենթարկվի: Երկրորդ վիրահատությունը տեղի կունենա առաջին վիրահատությունից երեք ամիս անց:

Հիշեցնենք, որ Օզբիլիսը Հայաստանի և Ալժիրի հավաքականների միջև ընկերական հանդիպմանն ստացել էր ծնկի խաչաձև կապանի կտրվածք: