Հայաստանը շարունակում է մնալ նվազ արտաքին պարտք ունեցող երկիր. Ջանջուղազյան

Հայաստանը շարունակում է մնալ նվազ արտաքին պարտք ունեցող երկրների թվում: Այս մասին Ազգային ժողովում ՀՀ 2013թ. պետական բյուջեի կատարողականի քննարկման ժամանակ ասաց ՀՀ ֆինանսների փոխնախարար, գլխավոր գանձապետ Ատոմ Ջանջուղազյանը՝ պատասխանելով ԲՀԿ խմբակցության պատգամավոր Նաիրա Զոհրաբյանի հարցին, թե Հայաստանի արտաքին պարտքը գնալով աճում է, սակայն դրանից չեն բարելավվում երկրի քաղաքացիների կենսական պայմանները:

Ի պատասխան պատգամավորի հարցադրմանը` Ատոմ Ջանջուղազյանը նշեց, որ այդ հանգամանքն իսկապես մտահոգիչ է, իսկ արտաքին պարտքը զուտ գործարք է: «Մեր երկիրը շարունակում է մնալ նվազ պարտք ունեցող երկիր, ծանր բեռ ունեցող երկիր չէ»,- ասաց գլխավոր գանձապետը:

Ազգային ժողովը քննարկում է ՀՀ 2013թ. պետական բյուջեի կատարողականի հաշվետվությունը: 2013թ. պետբյուջեի կատարողականի նախագիծն ավելի վաղ քննարկվել էր ԱԺ մշտական հանձնաժողովների համատեղ նիստում, իսկ այնուհետև բոլոր հանձնաժողովներում առանձին-առանձին: