Իսպանիայի դեսպանատունը գրասենյակ է բացում Հայաստանում

Հայաստանում Իսպանիայի դեսպանատունը (նստավայրը` Մոսկվա) վիզաների դիմումների գործընթացը դյուրացնելու որոշում է կայացրել: Դա նշանակում է, որ Հայաստանի Հանրապետությունում Շենգեն տեսակի վիզայի համար ներկայացվող դիմումները (մինչև 90 օր մնալու համար), այսուհետև կարող են ներկայացվել արտերկրում ծառայություններ մատուցող գրասենյակ: Իսպանիայի դեսպանատան և VFS Global-ի նախաձեռնությամբ հունիսի 13-ին Երևանում տեղի կունենա Վիզայի դիմումների ներկայացման կենտրոնի բացումը: Կենտրոնը կգործարկի VFS Global-ը, որը հանդիսանում է աշխարհի տարբեր երկրների դիվանագիտական ներկայացուցչություններին և կառավարություններին տեխնոլոգիական ծառայություններ մատուցող և դրանք պատվիրակող խոշորագույն մասնագիտական ընկերությունը:

VFS Global-ը Ռուսաստանում, Ուկրաինայում, Բելառուսում և Ղազախստանում օտարերկրյա մի շարք դեսպանատներին և հյուպատոսական բաժիններին ծառայություններ մատուցող գործընկեր է, որը վիզայի ստացման ծառայություններ է մատուցում դիմորդներին:

Վիզայի վերաբերյալ դիմումների ընդունման կենտրոնը կտեղակայվի Նալբանդյան փողոց, 48/1, 2-րդ հարկ հասցեում: Վիզայի դիմումների ընդունման կենտրոն ներկայացված դիմումների վերաբերյալ միակ որոշումը կայացնողը նախկինի պես կլինի Մոսկվայում Իսպանիայի դեսպանատունը:

Մոսկվայում Իսպանիայի, ինչպես նաև Երևանում Լիտվիայի դեսպանատները նույնպես կշարունակեն ուղղակիորեն դիմումներ ընդունել այն հաճախորդներից, ովքեր նախընտրում են այդ տարբերակը (նախնական ժամադրության պարագայում): Վիզայի կենտրոնում դիմումներ ներկայացնելու համար կգանձվի ծառայության վճար: