Psy-ի նոր տեսահոլովակը մեկ օրում ավելի քան 20 մլն դիտում է հավաքել YouToube-ում (տեսանյութ)

Հարավկորեացի երգիչ Psy-ի (Պակ Չե Սան) և ամերիկացի ռեփեր Snoop Dogg-ի (Քալվին Քորդոզար Բրոդուս կրտսեր) համատեղ երգի՝ Hangover անվանումն ստացած տեսահոլովակը մեկ օրում YouToube-ում հավաքել է ավելի քան 20 մլն դիտում:

Առաջին անգամ տեսահոլովակը ուղիղ եթերով ցուցադրվել է հունիսի 8-ի երեկոյան Jimmy Kimmel Live շոուի ժամանակ:

Տեսահոլովակում ժամանակի մեծ մասը երգիչներն սպիրտային խմիչքներ են ըմպում տարբեր վայրերում ու իրավիճակներում, իսկ ալկոհոլի գործածումը հերթագայվում է ատամները մաքրելով, բիլիարդ խաղալով և շատրվանի տակ լողանալով:

35-ամյա Պակ Չե Սանը, որը հանդես է գալիս Psy կեղծ անվամամբ, իր հայրենիքում հայտնի է դարձել հումորային տեսահոլովակներով և համերգային ելույթներով. Հարավային Կորեայում նրա դեբյուտը կայացել է 2001 թվականին:

Psy-ի Gangnam Style երգի տեսահոլովակը, որը թողարկվել է գրեթե երկու տարի առաջ, շշմեցուցիչ հաջողություն է ունեցել Համացանցում: Այն ժամանակ մեկ օրում տեսահոլովակը դիտել էին ավելի քան 13 մլն անգամ, իսկ բոլորովին վերջերս այն YouTube-ում Psy-ի պաշտոնական կայքում գերազանցել է երկու միլիարդ դիտումի նշագիծը: Սա առաջին դեպքն է դարձել տեսահոսթինգի ողջ պատմության ընթացքում, երբ տեսահոլովակն նման ռեկորդային թվով «քլիքներ»  է հավաքել: