ԱԺ-ն հետ պահեք շան հաչոցներից. ցինիկն էլ ես դու, ստախոսն էլ ես դու. Ալիկ Արզումանյան-Հայկ Բաբուխանյան բանավեճ` ԱԺ-ում
Քաղաքական
Ազգային ժողովում այսօր մինչ 2013 թվականի բյուջեի կատարողականի քվեարկությունը, վարման կագի վերաբերյալ ձայն խնդրեց ՀԱԿ խմբակցության պատգամավոր Նիկոլ Փաշինյանը:
Վերջինս անդրադարձավ ռուսաստանցի լրագրող Դմիտրի Կիսեսլյովի կողմից երեկ արված հայտարարությանը, որը, պատգամավորի խոսքով, եղել է անհարգալից տոնով և ուղղված է եղել ՀՀ-ին և հայ ժողովրդին, հայ ժողովրդի նահատակների և հայոց լեզվի հասցեին:
«Ես կարծում եմ, որ ՀՀ ԱԳՆ-ն պետք է քննարկի Դմիտրի Կիսելյովին ՀՀ-ի տարածքում "PERSONA NON GRATA"` անցանկալի անձ, հայտարարելու մասին հարցը»,- ասաց Փաշինյանը:
ՀՀԿ-ական պատագամավոր Հայկ Բաբուխանյանն անդրադառնալով պատգամավորի հնչեցրած հարցին` տեղեկացրեց, որ նման բան չի եղել:
Հարցի վերաբերյալ խոսեց նաև ԱԺ պատգամավոր Ալիկ Արզումանյանը և հայտարարեց, որ Հայկ Բաբուխանյանը ստում է:
«Պարոն Բաբուխանյանն ուղղակի ստում է, քանի որ Կիսելյովի հետ հանդիպման ամբողջ տեսագրությունը դրված է համացանցում, ու նման ցինիկ հայտարարությունները վնասում են մեր պետականությունը: Ի դեպ, ուզում եմ ասել, որ ցինիկ կամ կինիկ բառը հունարեն նշանակում է շուն: Ես կոչ եմ անում ԱԺ-ն հետ պահել շան հաչոցներից»:
Տեղից արձագանքեց Հայկ Բաբուխանյանը. «Ցինիկն էլ ես դու, ստախոսն էլ ես դու»:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
