«Միկան» ընկերական հանդիպում կանցկացնի «Սիոնիի» հետ

Երևանի «Միկա» ֆուտբոլային ակումբը մեկնել է Վրաստան: «Միկայի» պատվիրակությունը հունիսի 12-ին առավոտյան ժամը 7:30 ուղևորվեց Վրաստանի մայրաքաղաք Թբիլիսի, որտեղ հունիսի 13-ին կանցկացնի ընկերական հանդիպում «Սիոնիի» հետ: «Միկան» կհանգրվանի վրացական «Beaumonde Garden» հարմարավետ հյուրանոցում, որը գտնվում է Թբիլիսիի հարավ-արևմուտքում:

Արամ Ոսկանյանն այդ հանդիպման համար իր տրամադրության տակ ունի 18 ֆուտբոլիստների: Կազմից բացակայում են միայն Սարգիս Շահինյանն ու Ալիկ Առաքելյանը: Շահինյանը վնասվածքի պատճառով չի մեկնել Վրաստան, իսկ Ալիկ Առաքելյանը «Միկա-2»-ի դարպասապահ Հենրի Ավագյանի հետ, մասնակցում է Հայաստանի մինչև 19 տարեկանների ուսումնամարզական հավաքին: