Երևանում կանցկացվի Ինդոնեզիային նվիրված միջոցառումների շարք

Հայաստանում Ինդոնեզիայի դեսպանությունը (նստավայրը` Կիև) կազմակերպել է միջոցառումների շարք, որոնք տեղի կունենան Երևանում: Հունիսի 13-15-ը «Երևան-Էքսպո» ցուցահանդեսների համալիրում կանցկացվի «Պատուհան դեպի Ինդոնեզիա» միջոցառումների շարքը: Միջոցառումները ներառում են ինդոնեզական ձեռագործության ցուցադրական դասընթաց, խոհարարական արվեստի ցուցահանդես, նորաձևության ցուցադրություն, Ինդոնեզիայի տնտեսության ու ներդրումային հնարավորություններին նվիրված շնորհանդես, ինդոնեզական ապրանքների ցուցահանդես, գործարար հանդիպումներ:

Գործարար հանդիպումներին կմասնակցեն Ինդոնեզիայից Հայաստան ժամանած 8 ընկերություննեի մոտ 100 ներկայացուցիչներ: Բացման խոսքով հանդես կգան ՀՀ արտաքին գործերի նախարարի տեղակալ Սերգեյ Մանասարյանը և ՀՀ-ում Ինդոնեզիայի դեսպան տիկին Նինիեք Կուն Նարյաթին: Բացման արարողությունը տեղի կունենա հունիսի 13-ին` ժամը 15:00-ին, «Երևան-Էքսպո» ցուցահանդեսների համալիրում: