«Շիրակը» երկարացրել է պայմանագիրը երեք ֆուտբոլիստների հետ

«Շիրակը» երկարաձգեց պայմանագրերը երեք ֆուտբոլիստի հետ: Մեկական տարով երկարաձգվել են կիսապաշտպան Կարեն Ալեքսանյանի և հարձակվող Անդրանիկ Բարիկյանի պայմանագրերը, որոնք կավարտվեն 2015թ. հուլիսի 31-ին: Այս մասին տեղեկացնում է «Շիրակի» մամուլի ծառայությունը: Իսկ երիտասարդ կիսապաշտպան Էդվարդ Փանոսյանի պայմանագիրը երկարաձգվել է 3 տարով և նախատեսված է մինչև 2017թ. հուլիսի 31-ը:

«Շիրակն» անցած մրցաշրջանում զբաղեցրեց 2-րդ տեղը` առաջին տեղը զիջելով «Բանանցին»: