Լիոնել Մեսսին մեկնաբանել է Բոսնիայի դեմ հանդիպումը

Արգենտինայի հավաքականի հարձակվող Լիոնել Մեսսին խոստովանել է, որ Բրազիլիայում ընթացող Աշխարհի առաջնության խմբային փուլում`Բոսնիա Հերցեգովինայի դեմ հանդիպումն այդքան էլ դյուրին չստացվեց: 

«Աշխարհի առաջնությունում սա մեր առաջին հանդիպումն էր, այնպես որ մենք մի փոքր նյարդային էինք և զգուշությամբ էինք գործում, բայց դա նորմալ է,- ասել է Մեսսին: - Առաջին խաղակեսում բոսնիացիներին թույլ տվինք տիրել նախաձեռնությանը, այնպես որ ամեն ինչ այնքան էլ հեշտ չէր: Այս առումով երկրորդ գոլը մեզ համար մեծ օգնություն եղավ: Ընդհանուր առմամբ, կարող եմ ասել, որ ուրախ եմ տարած հաղթանակի կապակցությամբ. այն մեզ համար շատ կարևոր էր»,- Մեսսի խոսքը մեջբերում է Sportbox-ը: 

Հիշեցնենք, որ Արգենտինան Բոսնիա Հերցեգովինայի դեմ խաղում հաղթանակ տոնեց 2:1 հաշվով, իսկ Մեսսին դարձավ հաղթական գոիի հեղինակը: