Բրազիլիայում ֆուտբոլի աշխարհի առաջնության հեռուստալսարանը կգերազանցի 3,2 միլիարդը

Բրազիլիայում ֆուտբոլի աշխարհի առաջնության հեռուստալսարանը պետք է նոր ռեկորդ սահմանի: Այս մասին Ռիո դե Ժանեյրոյի «Մարականա» մարզադաշում կայացած մամուլի ասուլիսում հայտնել է Ֆուտբոլային ասոցիացիաների միջազգային ֆեդերացիայի (ՖԻՖԱ) հեռուստատեսության գործերի տնօրեն Նիքլաս Էրիքսոնը:

2010 թվականին Հարավային Աֆրիկայի Հանրապետությունում աշխարհի առաջնության ընդհանուր հեռուստալսարանը կազմել է 3,2 միլիարդ: «Մենք համոզված ենք, որ այս տարի այդ ցուցանիշները կհաջողվի գերազանցել: Այս մասին է վկայում մի քանի գործոն. մրցաշարի առաջին ութ մրցախաղերի շատ լավ ցուցանիշները և մոլորակի բնակչության բնական աճը,- ասել է Էրիքսոնը:- Սակայն ստույգ թվերն առայժմ դժվար է հայտնել, քանի որ որոշ երկրների վերաբերյալ մենք ընդհանրապես տվյալներ չենք ունենա»:

ՖԻՖԱ-ի հեռուստատեսության գործերի տնօրենը հայտնել է, որ, չնայած Եվրոպայում ուշ ժամին, Անգլիայի և Իտալիայի թիմերի միջև մրցախաղը Մեծ Բրիտանիայի BBC One հեռուստաալիքով դիտել Է 40,2 միլիոն մարդ, իսկ Իտալիայի Rai1 հեռուստաալիքով՝ 12,8 միլիոն մարդ: «Սրանք շատ լավ թվեր են»,- հայտարարել է Էրիքսոնը, հաղորդել է ԻՏԱՌ-ՏԱՍՍ-ը: