Դասականից մինչև սպորտային. «GIROTTI»-ն` տղամարդկանց նրբաճաշակ ոճի թելադրող

Հասարակություն 18 Հունիս, 2014 10:15

Արդեն մոտ 18 տարի է, ինչ «Ջիրոտտի» իտալական խանութ-սրահն իր հաճախորդներին է ներկայանում միայն բարձրորակ և մատչելի ապրանքատեսականիով:

Խանութը հիմնադրվել է 1996 թվականին: Այն զբաղվում է տղամարդկանց հագուստի, կոշկեղենի և աքսեսուարների վաճառքով: Խանութում ներկայացված ապրանքատեսակները խոսում են բարձր որակի և մատչելի գնի հիանալի համադրության մասին: Այնտեղ ներկայացված հագուստը, կոշկեղենն ու աքսեսուարները նախատեսված են տարբեր տարիքի տղամարդկանց համար:

Ընկերության տնօրեն Նազարեթ Գրբոյանի խոսքով՝ սկզբնական շրջանում, երբ սկսվել են աշխատանքները, խանութում ներկայացված է եղել հիմնականում դասական ոճի հագուստ, այնուհետև կամաց-կամաց, երիտասարդության հետ առաջ գնալով' խանութում արդեն ներկայացվել է նաև սպորտային ոճի հագուստ:

«Մեր հիմնական նպատակը բարձր որակի և մատչելի գնի համատեղելիությամբ արդյունք տալն էր և դա մեզ մոտ ստացվեց: Մեր ներկայացրած ապրանքները շատ բարձր որակի են, իսկ գները շուկայականի հետ համեմատ' մատչելի: Նորություններին անընդհատ հետևելով' շարժվում ենք առաջ»,- Լուրեր.com-ի հետ զրույցում ասաց Նազարեթ Գրբոյանը, ով հիմնադրման պահից աշխատում է ընկերությունում:

Տեսականին ստեղծման առաջին տարիներին քիչ է եղել. խանութում ներկայացված են եղել միայն հագուստ: Ժամանակի ընթացքում, ճանաչում ձեռք բերելուն զուգահեռ, խանութում ավելացել են նաև ապրատեսակները' կոշիկներ և աքսեսուարներ:

Ապրանքանիշը դեռևս միայն Հայաստանում է ներկայացված, բայց առաջիկայում բրենդը Հայաստանի սահմաններից դուրս ներկայացնելու նպատակներ միանշանակ կան:

«Բազմաթիվ այլ բրենդների հետ ենք աշխատում, իսկ Հայաստանից դուրս գալու նպատակներ կան, սակայն դա ժամանակի խնդիր է»,- ասաց տնօրենը:

Վերջինիս խոսքով՝ իրենք միշտ աշխատում են, որ հաճախորդները գոհ մնան և′ գնից, և′ որակից: Խանութում գործում է նաև զեղչային ճկուն համակարգ, որը ևս հնարավորություն է տալիս մարդկանց ձեռք բերել այնտեղ ներկայացված բարձրորակ ապրանքը: