Ըմբշամարտի Եվրոպայի երիտասարդական առաջնությունը. Հայաստանի պատվիրակների առաջին մրցակիցները հայտնի են

Լեհական Կատովիցե քաղաքում մեկնարկում է ազատ ոճի ըմբշամարտի Եվրոպայի երիտասարդական առաջնությունը, որին գլխավոր մարզիչ Ավետիք Վարդանյանի ղեկավարությամբ մասնակցում են նաև բոլոր 8 քաշային կարգերի Հայաստանի երիտասարդական առաջնության չեմպիոնները:

Հունիսի 16-ի երեկոյան կայացել է 50, 60, 74 և 96 կգ քաշային կարգի ըմբիշների կշռման արարողությունն ու վիճակահանությունը: Վիճակահանության արդյունքներով հայտնի դարձան մեր պատվիրակների առաջին մրցակիցները: 50 կգ, 12 մասնակից, 1/8-րդ փուլ ՝ Մխիթար Գրիգորյան–Էմրե Դեմիրխան (Թուրքիա): Այս զույգի հաղթողը քառորդ եզրափակիչում մրցելու է Ֆարիդ Իսմայիլով (Ադրբեջան)–Մաքսիմ Բլյազ (Ուկրաինա) զույգի հաղթողի հետ: 60 կգ, 18 մասնակից, 1/8-րդ փուլ՝ Գոռ Գրիգորյան-Մաքսիմ Սասուլթան (Մոլդովա): Այս զույգի հաղթողը քառորդ եզրափակիչում ուժերը կչափի Իմամ Աջիև (Ռուսաստան)&nd ash;Գաբրիել Բադեա (Ռումինիա) զույգի հաղթողի հետ: 74 կգ, 24 մասնակից, 1/8-րդ փուլ՝ Սուրեն Խաչատրյան-Ալեքսեյ Շչուրբակ (Ուկրաինա): Քառորդ եզրափակիչում այս զույգի հաղթողը կհանդիպի Աբդուլա Օմարով (Բելգիա)–Գեորգե Բադիստեանու (Ռումինիա) զույգի հաղթողի հետ: 96 կգ, 19 մասնակից, 1/8-րդ փուլ՝ Վիկտոր Կազիշվիլի (Հայաստան)–Յերե Հեյնո (Ֆինլանդիա): Քառորդ եզրափակիչում այս զույգի հաղթողը մրցելու է Սաիդ Համիդով (Ադրբեջան)– Մուրազի Մչեդլիձե (Ուկրաինա) զույգի հաղթողի հետ:

Հունիսի 17-ին Լեհաստանի ժամանակով ժամը 10-14-ը վերոհիշյալ 4 քաշային կարգերում տեղի են ունենալու նախնական և սփոփիչ փուլերի գոտեմարտերը, իսկ երեկոյան ժամը 19.30-21.30-ին էլ կընթանան եզրափակիչ փուլի մենամարտերը: